Genesis 49:23

Ang Biblia 2011

Ang mga tigpana bangis nga misulong kaniya, ug mipana kaniya, ug migukod kaniya pag-ayo

Cross References

Genesis 37:18

Apan nakita nila siya didto sa layo, ug sa wala pa siya moabot kanila, nagsabot sila batok kaniya aron pagpatay kaniya.

Genesis 37:24

Ug gikuha nila siya ug gihulog sa lungag. Ang gahong walay sulod kay kini walay tubig.

Genesis 37:28

Unya may milabay nga mga tigpatigayon nga Medianhon ug gikuha ug gibitad nila si Jose gikan sa gahong ug ilang gibaligya si Jose ngadto sa mga Ismaelinhon, balig 20 ka buok plata. Ug ilang gidala si Jose ngadto sa Ehipto.

Genesis 37:4

Apan sa pagkakita sa iyang mga igsoon nga ang ilang amahan nagpangga kaniya labaw kay sa tanan niyang mga igsoon, sila nagdumot kaniya ug dili makasulti kaniya sa minaayo.

Genesis 42:21

Unya miingon sila sa usa ug usa, “Matuod gayod nga kita nakasala batok sa atong igsoon kay nakita nato ang kapaitan sa iyang kalag sa pagpangaliyupo niya kanato apan wala kita mamati kaniya, tungod niana miabot kanato kining maong kapaitan.”

Genesis 49:22

Si Jose usa ka sanga nga mabungahon, sanga nga mabungahon tupad sa usa ka tubod, ang iyang mga salingsing nagtabon sa paril.

Genesis 49:24

Apan ang iyang pana nagpabilin nga wala matarog, ug ang iyang mga bukton naabtik pinaagi sa mga kamot niadtong Gamhanan ni Jacob, pinaagi sa ngalan sa Magbalantay, ang Bato ni Israel,

Salmo 118:13

Gitukmod ako nga tungod niana ako nagsukarap, apan ang Ginoo mitabang kanako.

Salmo 64:3

nga nagbaid sa ilang dila sama sa mga espada, nga nagtion sa ilang mga pait nga pulong sama sa mga udyong,

Juan 16:33

Gisulti nako kini kaninyo aron nga dinhi kanako makabaton kamo ug kalinaw. Dinhi sa kalibotan aduna kamoy kalisdanan. Apan pagmadasigon, gibuntog na nako ang kalibotan.”

Mga Buhat 14:22

nga naglig-on sa mga kalag sa mga tinun-an, nagdasig kanila sa pagpadayon diha sa pagtuo, ug nagsulti nga kinahanglang mosulod kita ngadto sa gingharian sa Dios latas sa daghang mga kasakit.