Genesis 49:22

Ang Biblia 2011

Si Jose usa ka sanga nga mabungahon, sanga nga mabungahon tupad sa usa ka tubod, ang iyang mga salingsing nagtabon sa paril.

Cross References

Genesis 41:52

Ug ang ikaduha ginganlan niya ug Efraim, “Kay ang Dios naghimo kanako nga mabungahon diha sa yuta sa akong kasakitan.”

Genesis 46:27

Ug ang mga anak ni Jose nga nangatawo kaniya didto sa Ehipto, duha. Busa ang tanang tawo sa balay ni Jacob nga miabot ngadto sa Ehipto 70 ka buok.

Genesis 48:1

Human niini si Jose giingnan, “Tan-awa, nasakit ang imong amahan.” Ug iyang gidala uban kaniya ang iyang duha ka anak nga lalaki nga si Manases ug si Efraim.

Genesis 48:15

Ug gipanalanginan niya si Jose, ug siya miingon, “Ang Dios nga sa iyang atubangan naglakaw ang akong katigulangan nga si Abraham ug si Isaac, ang Dios nga nagtultol kanako sa tibuok nakong kinabuhi hangtod niining adlawa,

Genesis 48:16

ang anghel nga nagluwas kanako gikan sa tanan nga kadaotan, magpanalangin niining mga batan-on, ug diha kanila ang akong ngalan magpadayon ug ang ngalan sa akong mga ginikanan nga si Abraham ug si Isaac, ug magpadaghan kanila sa hilabihan gayod sa taliwala sa yuta.”

Genesis 48:5

Ug karon ang imong duha ka anak nga lalaki nga nangatawo kanimo sa yuta sa Ehipto sa wala pa ako moanhi kanimo dinhi sa Ehipto, akoa sila. Si Efraim ug si Manases maakoa sama kang Ruben ug kang Simeon.

Genesis 49:23

Ang mga tigpana bangis nga misulong kaniya, ug mipana kaniya, ug migukod kaniya pag-ayo

Salmo 128:1

Bulahan ang tanan nga may kahadlok sa Ginoo, nga naglakaw subay sa iyang mga dalan!

Salmo 128:3

Ang imong asawa mahisama sa mabungahon nga paras, sulod sa imong panimalay Ang imong mga anak mahisama sa mga saha nga olibo, libot sa imong lamisa.

Salmo 80:10

Ang kabukiran natabonan sa landong niini, ang dagko nga cedro sa mga sanga niini;

Ezequiel 19:11

Ang kinalig-onan nga sanga niini nahimong sitro sa tigmando; kini mituybo taliwala sa labong nga mga sanga; kini nakita tungod sa gitas-on niini uban sa labong nga mga sanga niini.

Oseas 13:15

Bisan ug siya mouswag sama sa tanom nga bugang, ang hangin sa silangan, ang hangin sa Ginoo moabot, motungha gikan sa kamingawan; ug ang iyang tubod maughan, ang iyang tuboran magmala; kini magkuha sa bililhong butang gikan sa iyang mga bahandi.