Genesis 49:1

Ang Biblia 2011

Unya gitawag ni Jacob ang iyang mga anak ug giingnan, “Pagtigom kamo aron sultihan ko kamo sa inyong dangatan sa umaabot nga mga adlaw.

Cross References

Salmo 105:15

nga nag-ingon, “Ayaw hilabti ang akong mga dinihogan, ug ayaw buhati ug daotan ang akong mga propeta!”

Salmo 25:14

Ang pagpakighigala sa Ginoo ila niadtong may kahadlok kaniya, ug siya magpadayag kanila sa iyang kasabotan.

Isaias 2:2

Mahitabo sa ulahing mga adlaw nga ang bukid sa balay sa Ginoo ipahiluna ingon nga kinahabogan sa kabukiran, ug ituboy ibabaw sa kabungtoran; ug ang tanang kanasoran mag-ambahan ngadto kaniya.

Isaias 22:14

Ang Ginoo sa mga panon mipahayag sa iyang kaugalingon diha sa akong mga igdulungog, “Kamo dili gayod pasayloon niining salaa hangtod nga kamo mangamatay.” nag-ingon ang Ginoong Dios sa mga panon.

Isaias 39:6

Tan-awa, ang mga adlaw nagsingabot nga ang tanan nga anaa sa imong balay, ug ang gipangtigom sa imong katigulangan hangtod niining adlawa dad-on ngadto sa Babilonia. Walay mahibilin, nag-ingon ang Ginoo.

Isaias 48:14

“Pagtigom, kamong tanan, ug pamati! Kinsa ba kanila ang nagpahayag niining mga butanga? Ang Ginoo nahigugma kaniya; siya magtuman sa iyang katuyoan sa Babilonia, ug ang iyang bukton makigbatok sa mga Caldeanhon.

Isaias 53:1

Kinsa bay mituo sa among nabatian? Ug kang kinsa man gipadayag ang bukton sa Ginoo?

Jeremias 23:20

Ang kasuko sa Ginoo dili mosibog hangtod nga iyang mabuhat ug matapos ang katuyoan sa iyang kasingkasing. Sa ulahing mga adlaw masabtan ninyo kini pag-ayo.

Daniel 10:1

Sa ikatulo nga tuig ni Ciro nga hari sa Persia, usa ka mensahe gipadayag kang Daniel nga ginganlan ug Beltesasar. Ug ang mensahe matuod ug kini dakong panagsumpaki, ug siya nakasabot sa mensahe ug adunay pagsabot sa panan-awon.

Daniel 10:14

Ug ako mianhi sa pagpasabot kanimo sa mahitabo sa imong katawhan sa ulahing mga adlaw kay ang panan-awon alang pa sa umaabot nga mga adlaw.”

Daniel 2:47

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Amos 3:7

Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.

Miqueas 4:1

Apan sa ulahing mga adlaw mahitabo nga ang bukid sa balay sa Ginoo himoon nga labing habog sa kabukiran, ug bayawon ibabaw sa kabungtoran; ug ang mga katawhan magbaha ngadto niini,

Numeros 24:14

Ug karon, tan-awa, ako moadto sa akong katawhan. Dali, tug-anan ko ikaw unsay buhaton niining katawhan sa imong katawhan sa ulahing mga adlaw.”

Lucas 2:26

Ug gipadayag kaniya sa Espiritu Santo nga dili siya mamatay sa dili pa niya makita ang Cristo sa Ginoo.

Mga Buhat 2:17

‘Ug mahitabo sa kataposang mga adlaw, nag-ingon ang Dios, nga ako magbubo sa akong Espiritu ngadto sa tanang katawhan, ug ang inyong mga anak nga lalaki ug mga anak nga babaye magpropesiya, ug ang inyong mga batan-ong lalaki makakita ug mga panan-awon, ug ang inyong mga tigulang nga lalaki magdamgo ug mga damgo.

Deuteronomio 31:12

Tigoma ang katawhan, ang mga lalaki, ang mga babaye, ang mga bata ug ang mga langyaw nga anaa sa inyong mga lungsod aron sila makadungog ug makakat-on sa pagkahadlok sa Ginoo nga inyong Dios ug magmatngon sa pagbuhat sa tanang mga pulong niini nga Balaod,

Deuteronomio 4:30

Sa diha nga anaa kamo sa kalisdanan ug modangat kaninyo kining tanang mga butang sa ulahing mga adlaw, mobalik kamo sa Ginoo nga inyong Dios ug motuman sa iyang tingog,

1 Timoteo 4:1

Ang Espiritu tin-awng nagpahayag nga sa ulahing mga panahon adunay mamiya gikan sa pagtuo, nga magtagad sa mga malimbongon nga espiritu ug sa mga pagtulun-an sa mga demonyo,

2 Timoteo 3:1

Apan hibaloi kini nga sa kataposang mga adlaw mangabot ang mga panahon sa kalisdanan.

Mga Hebreo 1:2

Apan niining kaulahiang mga adlaw siya misulti kanato pinaagi sa Anak, nga iyang gitudlo nga manununod sa tanang mga butang, nga pinaagi kaniya usab gibuhat niya ang kalibotan.

Mga Hebreo 13:1

Padayon sa inyong inigsoon nga paghigugmaay.

Gipadayag 4:1

Human niini, mitan-aw ako, ug tan-awa, diha sa langit ang usa ka pultahan nga binuksan! Ug kadtong unang tingog nga akong nadungog nga misulti kanako nga daw trumpeta miingon, “Saka ngari, ug ipakita nako kanimo ang kinahanglang mahitabo human niini.”