Genesis 48:9

Ang Biblia 2011

Ug si Jose miingon sa iyang amahan, “Sila ang akong mga anak nga gihatag sa Dios kanako dinhi.” Ug siya miingon, “Palihog, paduola sila karon kanako ug panalanginan nako sila.”

Cross References

Genesis 27:4

Ug lutoi ako ug lamiang pagkaon, kadtong akong gusto ug dad-a nganhi kanako aron makakaon ako niini ug panalanginan ko ikaw sa dili pa ako mamatay.”

Genesis 30:2

Ug ang kasuko ni Jacob nahaling batok kang Raquel, ug miingon siya, “Anaa ba ako sa dapit sa Dios nga naghikaw kanimo sa bunga sa imong taguangkan?”

Genesis 33:5

Sa dihang giyahat ni Esau ang iyang mga mata ug nakita niya ang mga babaye ug ang mga bata, siya miingon, “Kinsa ba kini sila nga kuyog kanimo?” Ug si Jacob miingon, “Ang mga bata nga tungod sa kaluoy sa Dios gihatag niya sa imong ulipon.”

Genesis 49:28

Kini sila mao ang napulo ug duha ka banay ni Israel ug kini mao ang giingon kanila sa ilang amahan sa pagpanalangin niya kanila, nagpanalangin sa matag usa sa panalangin nga angay kaniya.

1 Cronicas 25:5

Kini silang tanan mao ang mga anak nga lalaki ni Heman nga propeta sa hari sumala sa saad sa Dios aron sa pagpasidungog kaniya, kay ang Dios naghatag kang Heman ug napulog upat ka anak nga lalaki ug tulo ka anak nga babaye.

Salmo 127:3

Tan-awa, ang mga anak mao ang panulundon gikan sa Ginoo, ang bunga sa taguangkan mao ang ganti.

Isaias 8:18

Tan-awa, ako ug ang mga anak nga gihatag sa Ginoo kanako mao ang mga timaan ug ang mga ilhanan diha sa Israel gikan sa Ginoo sa mga panon nga nagpuyo sa bukid sa Zion.

Deuteronomio 33:1

Ug mao kini ang panalangin nga gipanalangin ni Moises nga tawo sa Dios ngadto sa katawhan sa Israel sa wala pa ang iyang kamatayon.

Mga Hebreo 11:21

Tungod sa pagtuo si Jacob, sa dihang himalatyon na siya, nagpanalangin sa matag anak ni Jose ug misimba nga nag-akbo sa kuptanan sa iyang sungkod.

1 Samuel 1:20

Sa pag-abot sa tukmang panahon, si Hana nanamkon ug nanganak ug usa ka batang lalaki nga ginganlan niya ug Samuel, tungod kay siya miingon, “Gipangayo nako kining bataa sa Ginoo.”

1 Samuel 1:27

Alang niining bataa ako nag-ampo ug ang Ginoo mihatag kanako sa akong gihangyo kaniya.