Genesis 48:7

Ang Biblia 2011

Kay sa paggikan nako sa Padan, nasubo ako kay namatay man si Raquel didto sa yuta sa Canaan, sa dalan nga dili na kaayo layo gikan sa Efrata. Ug gilubong nako siya didto sa dalan padulong sa Efrata nga mao ang Betlehem.”

Cross References

Genesis 25:20

Ug si Isaac nagpanuigon ug 40 ka tuig sa pagpangasawa niya kang Rebecca nga anak ni Betuel nga Aramihanon, sa Padan-aram, ug igsoong babaye ni Laban nga Aramhanon.

Genesis 33:18

Midangat si Jacob nga malinawon didto sa lungsod sa Sekem nga anaa sa yuta sa Canaan gikan sa Padan-aram ug nagkampo siya sa atubangan sa lungsod.

Genesis 35:20

Ug gibutangan ni Jacob ug usa ka haligi ang ibabaw sa iyang lubnganan. Kini mao ang haligi sa lubnganan ni Raquel nga anaa gihapon hangtod karon.

Genesis 35:9

Unya ang Dios mipakita pag-usab kang Jacob sa pagbalik niya gikan sa Padan-aram ug gipanalanginan siya.

Genesis 48:6

Ug ang mga anak nga matawo kanimo sunod kanila maimo. Sila tawgon pinaagi sa ngalan sa ilang mga igsoon, sumala sa ilang mga panulundon.

Miqueas 5:2

Apan ikaw, O Betlehem Efrata, ikaw nga gamayng lungsod diha sa kabanayan sa Juda, gikan kanimo mogula alang kanako ang mahimong tigmando sa Israel, nga ang kagikan gikan pa sa kanhing panahon, gikan sa kakaraanan.

Mateo 2:18

“Usa ka tingog nabati didto sa Rama, hilak ug kusog nga pagminatay. Si Raquel nagminatay tungod sa iyang mga anak ug dili siya magpahupay sa iyang kaguol, kay sila wala na man.”

Ruth 1:2

Ang ngalan sa tawo mao si Elimelek ug ang ngalan sa iyang asawa mao si Naomi ug ang ngalan sa iyang duha ka anak nga lalaki mao si Malon ug si Chilion. Sila mga Efratihanon gikan sa Betlehem sa Juda. Ug nangadto sila sa yuta sa Moab ug mipuyo didto.

1 Samuel 1:1

May usa ka tawo sa Ramataim-sofim, sa kabungtoran sa Efraim, nga ang ngalan mao si Elkana nga anak nga lalaki ni Jeroham nga anak ni Elihu nga anak ni Tohu nga anak ni Zuf nga Efraimhanon.

1 Samuel 10:2

Sa dihang mobiya ikaw gikan kanako niining adlawa, makasugat ikaw ug duha ka tawo tupad sa lubnganan ni Raquel sa kayutaan sa Benjamin didto sa Zelsa, ug sila moingon kanimo, ‘Ang mga asno nga imong gipangita nakit-an na, ug karon ang imong amahan wala na magtagad sa mga asno, ug nabalaka na mahitungod kanimo nga nag-ingon, “Unsay akong buhaton alang sa akong anak nga lalaki?” ’

1 Samuel 16:4

Si Samuel mibuhat sumala sa gisugo sa Ginoo, ug miadto sa Betlehem. Ug ang mga kadagkoan sa siyudad miadto aron sa pagsugat kaniya nga nagkurog ug miingon, “Mianhi ba ikaw nga malinawon?”

1 Samuel 17:12

Si David usa ka anak sa usa ka Efratihanon sa Betlehem sa Juda nga ginganlan ug Jesse, nga may walo ka anak nga lalaki. Sa mga adlaw ni Saul, ang maong tawo tigulang na ug taas na ug panuigon.