Genesis 48:5

Ang Biblia 2011

Ug karon ang imong duha ka anak nga lalaki nga nangatawo kanimo sa yuta sa Ehipto sa wala pa ako moanhi kanimo dinhi sa Ehipto, akoa sila. Si Efraim ug si Manases maakoa sama kang Ruben ug kang Simeon.

Cross References

Genesis 46:20

Ug ang nangatawo kang Jose didto sa yuta sa Ehipto mao si Manases ug si Efraim. Sila gipanganak kaniya ni Asenat nga anak ni Potifera nga pari sa On.

Genesis 48:1

Human niini si Jose giingnan, “Tan-awa, nasakit ang imong amahan.” Ug iyang gidala uban kaniya ang iyang duha ka anak nga lalaki nga si Manases ug si Efraim.

Genesis 48:6

Ug ang mga anak nga matawo kanimo sunod kanila maimo. Sila tawgon pinaagi sa ngalan sa ilang mga igsoon, sumala sa ilang mga panulundon.

Salmo 77:16

Sa diha nga ang katubigan nakakita kanimo, O Dios, sa diha nga ang katubigan nakakita kanimo, nangahadlok sila, ang kahiladman usab nangurog.

Isaias 43:1

Apan karon kini mao ang giingon sa Ginoo, siya nga nagbuhat kanimo, O Jacob, siya nga nag-umol kanimo, O Israel: “Ayaw kahadlok, kay gilukat ko na ikaw. gitawag ko ikaw pinaagi sa imong ngalan, ikaw akoa.

Ezequiel 16:8

“Sa diha nga miagi ako kanimo pag-usab ug mitan-aw kanimo, ug nakita nako nga ikaw anaa na sa panahon sa paghigugma, ug gibuklad nako ang akong bisti sa ibabaw nimo ug gitabonan ang imong pagkahubo. Oo, ako nanumpa kanimo ug naghimo ug usa ka kasabotan uban kanimo, nag-ingon ang Ginoong Dios, ug ikaw nahimo nga akoa.

Ezequiel 47:13

Mao kini ang giingon sa Ginoong Dios: “Kini mao ang mga utlanan, nga pinaagi niini bahinon ninyo ang yuta nga panulundon sumala sa napulo ug duha ka banay sa Israel. Si Jose makadawat ug duha ka bahin.

Levitico 20:26

Magbalaan kamo alang kanako kay ako, ang Ginoo, balaan, ug naglain kaninyo gikan sa mga katawhan aron mahimong akoa.

Malaquias 3:17

“Sila mahimong akoa, nag-ingon ang Ginoo sa mga panon, ang akong linain nga bahandi sa adlaw nga ako maghimo niini ug akong ipalingkawas sila sama sa tawo nga magpalingkawas sa iyang anak nga lalaki nga nag-alagad kaniya.

Numeros 1:10

Sa mga anak ni Jose: sa kang Efraim, si Elisama nga anak ni Amihud; sa kang Manases, si Gamaliel nga anak ni Pedasur.

2 Mga Taga-Corinto 6:18

Ug ako mahimong inyong amahan, ug kamo mahimong akong mga anak nga lalaki ug mga anak nga babaye, nag-ingon ang Ginoo nga Makagagahom sa Tanan.”

Mga Taga-Efeso 1:5

siya nagbuot nang daan nga kita mahimo niyang mga anak pinaagi kang Jesu-Cristo, sumala sa tuyo sa iyang kabubut-on,

Mga Hebreo 11:21

Tungod sa pagtuo si Jacob, sa dihang himalatyon na siya, nagpanalangin sa matag anak ni Jose ug misimba nga nag-akbo sa kuptanan sa iyang sungkod.

Josue 13:7

Busa karon, bahina kining yutaa ingon nga panulundon alang sa siyam ka banay ug sa katunga sa banay ni Manases.”

Josue 14:4

Kay ang mga katawhan ni Jose may duha ka banay, Manases ug Efraim. Ug walay bahin sa yuta nga gihatag ngadto sa mga Levihanon kondili mga siyudad nga ilang kapuy-an uban ang mga pasibsibanan sa ilang mga baka ug alang sa ilang kabuhian.