Genesis 48:21

Ang Biblia 2011

Unya si Israel miingon kang Jose, “Tan-awa, hapit na ako mamatay, apan ang Dios mag-uban kaninyo ug siya magpabalik kaninyo ngadto sa yuta sa inyong mga katigulangan.

Cross References

Genesis 12:5

Ug gidala ni Abram si Sarai nga iyang asawa ug si Lot nga anak sa iyang igsoon ug ang tanan nilang kabtangan nga ilang natigom ug ang mga tawo nga ilang natigom sa Haran, ug migikan sila ngadto sa yuta sa Canaan ug miabot sila sa yuta sa Canaan.

Genesis 15:14

Apan akong silotan ang nasod nga ilang alagaran ug human niini manggawas sila uban sa daghang mga kabtangan.

Genesis 15:16

Ug sa ikaupat nga kaliwatan mobalik sila dinhi kay ang pagkadaotan sa Amorihanon wala pa mahingpit.”

Genesis 26:3

Puyo dinhi niining yutaa, ug ako mag-uban kanimo ug ikaw akong panalanginan, kay kanimo ug sa imong kaliwatan, ihatag nako kining tanang mga yuta ug tumanon nako ang gipanumpa nako kang Abraham nga imong amahan.

Genesis 28:15

Tan-awa, ako mag-uban kanimo ug magbantay kanimo bisan asa ikaw moadto ug ikaw pabalikon nako niining yutaa kay ako dili mobiya kanimo hangtod nga matuman nako ang akong gisulti kanimo.”

Genesis 37:1

Si Jacob nagpuyo sa yuta nga gilangyawan sa iyang amahan, sa yuta sa Canaan.

Genesis 46:4

Ako moadto uban kanimo ngadto sa Ehipto ug ako usab magdala kanimo pagbalik. Ug ang kamot ni Jose maoy magtak-op sa imong mga mata.”

Genesis 47:29

Ug sa nagkaduol na ang adlaw sa kamatayon ni Israel, iyang gitawag si Jose nga iyang anak ug giingnan, “Kon nakakaplag ako karon ug kahimuot sa imong mga mata, hangyoon ko ikaw, nga ibutang nimo ang imong kamot sa ilalom sa akong paa ug panaad nga magmaunongon ug magmatinud-anon ikaw kanako. Naghangyo ako kanimo nga ayaw ako ilubong sa Ehipto.

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

Genesis 50:6

Ug ang Paraon mitubag, “Lakaw ug ilubong ang imong amahan, sumala sa iyang gipapanumpa kanimo.”

Salmo 18:46

Buhi ang Ginoo! Dalaygon ang akong bato, ug pasidunggan ang Dios sa akong kaluwasan,

Lucas 2:29

“Karon Ginoo, itugot nga ang imong ulipon mobiya nga malinawon, sumala sa imong pulong,

Mga Buhat 13:36

Kay si David, human siya makaalagad sa katuyoan sa Dios diha sa iyang kaugalingong kaliwatan, namatay ug gilubong uban sa iyang mga katigulangan ug nakasinati ug pagkadunot.

Deuteronomio 30:3

ang Ginoo nga inyong Dios magpahiuli kaninyo sa maayong kahimtang ug maluoy kaninyo, ug magtigom siya pag-usab kaninyo gikan sa tanang katawhan diin kamo gipatibulaag sa Ginoo nga inyong Dios.

Deuteronomio 31:8

Ug ang Ginoo mao ang mag-una kanimo. Siya mag-uban kanimo, dili ikaw niya pakyason o biyaan. Ayaw kahadlok o kaluya.”

2 Timoteo 4:6

Kay ako andam na nga ihalad ug ang panahon sa akong pagbiya miabot na.

Mga Hebreo 7:3

Siya walay amahan o inahan o kagikan, ug wala usab siyay sinugdanan sa mga adlaw o kataposan sa kinabuhi, apan sama sa Anak sa Dios, siya magpabilin nga pari hangtod sa kahangtoran.

Mga Hebreo 7:8

Niining bahina ang ikapulo gidawat sa mga tawo nga may kamatayon apan kini gidawat niadtong usa nga gipamatud-an nga buhi.

Josue 1:5

Walay tawo nga makabarog batok kanimo sa tanang mga adlaw sa imong kinabuhi, ingon nga ako nag-uban kang Moises, mag-uban usab ako kanimo. Dili ko ikaw pakyason o biyaan.

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”

Josue 23:14

“Ug karon hapit na ako moadto sa dalan sa tibuok nga yuta ug kamo nahibalo diha sa inyong mga kasingkasing ug mga kalag, kamong tanan, nga walay usa ka butang nga napakyas sa tanang mga maayong butang nga gisaad sa Ginoo nga inyong Dios mahitungod kaninyo. Ang tanan nahitabo kaninyo, walay usa niini nga napakyas.

Josue 3:7

Ang Ginoo miingon kang Josue, “Niining adlawa sugdan nako ang pagpasidungog kanimo diha sa panan-aw sa tibuok Israel aron sila mahibalo nga ingon nga ako nag-uban kang Moises, mag-uban usab ako kanimo.

2 Pedro 1:14

kay ako nasayod nga dili na madugay ang pagbiya nako niining maong lawas sumala sa gipadayag kanako sa atong Ginoong Jesu-Cristo.