Genesis 48:14

Ang Biblia 2011

Unya gituy-od ni Israel ang iyang kamot nga tuo, ug gibutang sa ibabaw sa ulo ni Efraim, nga mao ang manghod, ug ang iyang kamot nga wala sa ibabaw sa ulo ni Manases. Gisaylo niya ang iyang mga kamot kay si Manases mao man ang kamagulangan.

Cross References

Genesis 41:51

Ug gitawag ni Jose ang ngalan sa iyang kamagulangan ug Manases kay matod niya, “Gipalimtan sa Dios kanako ang tanan kong kalisdanan ug ang tibuok nga panimalay sa akong amahan.”

Genesis 41:52

Ug ang ikaduha ginganlan niya ug Efraim, “Kay ang Dios naghimo kanako nga mabungahon diha sa yuta sa akong kasakitan.”

Genesis 46:20

Ug ang nangatawo kang Jose didto sa yuta sa Ehipto mao si Manases ug si Efraim. Sila gipanganak kaniya ni Asenat nga anak ni Potifera nga pari sa On.

Genesis 48:13

Ug silang duha gikuha ni Jose, si Efraim diha sa iyang tuo, dapit sa wala ni Israel ug si Manases sa iyang wala dapit sa tuo ni Israel, ug sila gipaduol kaniya.

Genesis 48:17

Sa pagkakita ni Jose nga ang iyang amahan nagbutang sa iyang kamot nga tuo sa ibabaw sa ulo ni Efraim, kini wala makapahimuot kaniya. Ug gikuptan niya ang kamot sa iyang amahan aron ibalhin niya gikan sa ulo ni Efraim ngadto sa ulo ni Manases.

Genesis 48:18

Ug miingon si Jose sa iyang amahan, “Dili kana mao, amahan ko, kay kini mao ang kamagulangan, ibutang ang imong tuong kamot sa ibabaw sa ulo niya.”

Salmo 110:1

Ang Ginoo miingon sa akong Ginoo, “Lingkod sa akong tuong kamot, hangtod nga ang imong mga kaaway himoon nakong imong tumbanan.”

Salmo 118:16

ang tuong kamot sa Ginoo gibayaw, ang tuong kamot sa Ginoo nagbuhat nga maisogon!”

Exodo 15:6

Ang imong tuong kamot, O Ginoo, mahimayaon diha sa gahom, ang imong tuong kamot, O Ginoo, nagdugmok sa kaaway.

Numeros 2:18

“Dapit sa kasadpan mao ang bandila sa kampo ni Efraim sumala sa ilang mga panon, ug ang pangulo sa mga kaliwat ni Efraim mao si Elisama nga anak ni Amihud,

Numeros 8:10

Sa dihang dad-on nimo ang mga Levihanon sa atubangan sa Ginoo, ang katawhan sa Israel magbutang sa ilang mga kamot ibabaw sa mga Levihanon.

Numeros 8:18

Ug gikuha nako ang mga Levihanon ingon nga puli sa tanang mga kamagulangan sa katawhan sa Israel.

Mateo 16:18

Ug sultihan ko ikaw, nga ikaw mao si Pedro ug sa ibabaw niining bato tukoron nako ang akong iglesia ug ang mga ganghaan sa Hades dili gayod makabuntog niini.

Mateo 19:13

Unya dihay gagmayng mga bata nga gidala ngadto kaniya aron iyang tapin-an sila sa iyang kamot ug iampo. Gibadlong sa mga tinun-an ang mga tawo,

Mateo 19:15

Ug iyang gitapin-an sila sa iyang mga kamot ug unya milakaw.

Mateo 6:5

“Ug sa dihang mag-ampo kamo, ayaw kamo pagsundog sa mga tigpakaaron-ingnon kay sila nahigugmang mag-ampo nga magtindog sa sulod sa mga sinagoga ug diha sa mga likoanan sa kadalanan aron makita sila sa mga tawo. Sa pagkatinuod, sultihan ko kamo nga sila nakadawat na sa ilang ganti.

Lucas 13:13

Ug gitapion ni Jesus ang iyang mga kamot diha kaniya, ug dihadiha siya natul-id, ug midayeg siya sa Dios.

Lucas 4:40

Sa diha nga nagkasalop na ang adlaw, ang tanan nga adunay masakiton sa nagkalainlaing mga sakit midala kanila ngadto kaniya, ug iyang gitapion ang iyang mga kamot sa matag usa kanila, ug giayo sila.

Mga Buhat 13:3

Unya human sila makapuasa ug makaampo, ilang gipandong ang ilang mga kamot kanila ug gipagikan sila.

Mga Buhat 6:6

Gipaatubang sila sa mga apostoles, ug human makaampo, gipandongan sila nila sa ilang mga kamot.

Deuteronomio 34:9

Ug si Josue nga anak ni Nun puno sa espiritu sa kaalam kay si Moises nagtapion sa iyang mga kamot nganha kaniya busa ang katawhan sa Israel mituman kaniya ug nagbuhat sumala sa gisugo sa Ginoo kang Moises.

1 Timoteo 4:14

Ayaw pasagdi ang hiyas nga anaa kanimo nga gikahatag kanimo pinaagi sa propesiya uban sa pagpandong kanimo sa mga kamot sa mga kadagkoan.

1 Timoteo 5:22

Ayaw pagdali sa pagpandong sa mga kamot o moambit sa mga sala sa uban. Pagputli sa imong kaugalingon.