Genesis 48:12

Ang Biblia 2011

Ug sila gikuha ni Jose gikan sa iyang mga tuhod ug giyukbo niya ang iyang kaugalingon ngadto sa yuta.

Cross References

Genesis 18:2

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

Genesis 19:1

Unya ang duha ka anghel miabot didto sa Sodoma sa pagkagabii ug si Lot naglingkod didto sa ganghaan sa Sodoma. Sa dihang nakita sila ni Lot, mitindog siya sa pagdawat kanila ug mihapa siya sa yuta.

Genesis 23:7

Si Abraham mitindog ug miyukbo sa mga Hitihanon, ang katawhan niadtong yutaa.

Genesis 33:3

Ug siya mao ang nag-una kanila ug miyukbo siya ngadto sa yuta sa makapito, hangtod nga miabot siya sa iyang igsoon.

Genesis 42:6

Niadtong panahona si Jose maoy gobernador sa yuta, siya mao ang nagbaligya sa pagkaon ngadto sa tanang katawhan sa yuta. Ug ang mga igsoong lalaki ni Jose nangabot, ug miyukbo atubangan kaniya ug ang ilang mga nawong paatubang sa yuta.

Genesis 48:11

Ug si Israel miingon kang Jose, “Wala na ako maghunahuna nga makakita pa sa imong nawong apan, tan-awa, gitugot sa Dios kanako nga makakita usab sa imong mga anak.”

Genesis 48:13

Ug silang duha gikuha ni Jose, si Efraim diha sa iyang tuo, dapit sa wala ni Israel ug si Manases sa iyang wala dapit sa tuo ni Israel, ug sila gipaduol kaniya.

1 Mga Hari 2:19

Busa si Batseba miadto kang Hari Solomon aron sa pagpakigsulti kaniya alang kang Adonias. Ug ang hari mitindog aron sa pagsugat kang Batseba ug miyukbo kaniya. Unya milingkod siya sa iyang trono, ug gipahimutang ang usa ka lingkoranan nga gidala alang sa inahan sa hari ug siya milingkod dapit sa iyang tuo.

2 Mga Hari 4:37

Unya siya misulod ug mihapa sa iyang tiilan, nagduko ngadto sa yuta. Unya iyang gikuha ang iyang anak ug migula.

Exodo 20:12

“Tahora ang imong amahan ug ang imong inahan aron mataas ang imong mga adlaw sa yuta nga gihatag kanimo sa Ginoo nga imong Dios.

Exodo 34:8

Ug si Moises midali sa pagduko sa iyang ulo ngadto sa yuta ug misimba kaniya.

Mga Panultihon 31:28

Ang iyang mga anak mobarog, ug magtawag kaniya nga bulahan; ang iyang bana usab ug siya magdayeg kaniya,

Levitico 19:3

Kamong tanan kinahanglang magtahod sa iyang inahan ug sa iyang amahan ug tumana ang akong mga adlaw nga igpapahulay. Ako mao ang Ginoo nga inyong Dios.

Levitico 19:32

“Tindog sa atubangan sa ubanon ug ulo, ug tahora ang nawong sa tawo nga tigulang, ug kahadloki ang imong Dios. Ako mao ang Ginoo.

Mga Taga-Efeso 6:1

Kamong mga anak, kinahanglang tumanon ninyo ang inyong mga ginikanan diha sa Ginoo, kay kini maoy matarong.