Genesis 48:11

Ang Biblia 2011

Ug si Israel miingon kang Jose, “Wala na ako maghunahuna nga makakita pa sa imong nawong apan, tan-awa, gitugot sa Dios kanako nga makakita usab sa imong mga anak.”

Cross References

Genesis 37:33

Ug kini nailhan niya ug siya miingon, “Mao kini ang bisti sa akong anak ug usa ka bangis nga mananap ang mitukob kaniya, sa walay duhaduha giwataswatas si Jose.”

Genesis 37:35

Ug miadto ang tanan niyang mga anak nga lalaki ug babaye aron sa paghupay kaniya apan dili siya buot nga hupayon, ug siya miingon, “Ayaw, mokanaog ako ngadto sa Sheol nga magbangutan tungod sa akong anak.” Ug mihilak ang iyang amahan tungod kaniya.

Genesis 42:36

Unya ang ilang amahan nga si Jacob miingon kanila, “Gikuha ninyo kanako ang akong mga anak. Si Jose wala na ug si Simeon wala na usab ug si Benjamin dad-on ninyo. Kining tanan miabot kanako.”

Genesis 45:26

Ug sila misugilon kaniya, “Si Jose buhi pa ug siya mao ang tigmando sa tibuok nga yuta sa Ehipto.” Ug ang iyang kasingkasing naluya, kay siya wala motuo kanila.

Genesis 48:10

Ug ang mga mata ni Israel lubog na tungod sa katigulang, ug halap na siya. Ug sila gipaduol kaniya, ug mihalok siya kanila ug iyang gigakos sila.

Genesis 48:12

Ug sila gikuha ni Jose gikan sa iyang mga tuhod ug giyukbo niya ang iyang kaugalingon ngadto sa yuta.

Salmo 128:6

Makita unta nimo ang mga anak sa imong mga anak! Ang kalinaw maanaa sa Israel!

Mga Panultihon 17:6

Ang mga apo maoy purongpurong sa mga tigulang, ug ang himaya sa mga anak mao ang ilang mga amahan.

Mga Taga-Efeso 3:20

Ug ngadto kaniya, nga pinaagi sa gahom nga naglihok sulod kanato makahimo ug labaw pa gayod kay sa tanan natong gipangayo ug gihunahuna,