Genesis 48:10

Ang Biblia 2011

Ug ang mga mata ni Israel lubog na tungod sa katigulang, ug halap na siya. Ug sila gipaduol kaniya, ug mihalok siya kanila ug iyang gigakos sila.

Cross References

Genesis 27:1

Sa diha nga tigulang na si Isaac ug ang iyang mga mata halap na, nga tungod niana dili na siya makakita, gitawag niya si Esau, ang iyang anak nga magulang ug siya miingon kaniya, “Anak ko,” ug siya mitubag, “Ania ako.”

Genesis 27:27

Busa miduol siya ug iyang gihalokan siya ug nakapanimaho si Isaac sa baho sa iyang mga bisti ug gipanalanginan niya siya ug siya miingon, “Tan-awa ang baho sa akong anak sama sa baho sa uma nga gipanalanginan sa Ginoo.

Genesis 31:55

Sayo sa kabuntagon, si Laban mibangon ug mihalok sa iyang mga apo, sa iyang mga anak nga babaye, ug sila iyang gipanalanginan. Ug si Laban migikan ug mipauli sa iyang dapit.

Genesis 45:15

Ug mihalok siya sa tanan niyang mga igsoon ug mihilak tungod kanila, ug human niini nakigsulti kaniya ang iyang mga igsoon.

Genesis 48:11

Ug si Israel miingon kang Jose, “Wala na ako maghunahuna nga makakita pa sa imong nawong apan, tan-awa, gitugot sa Dios kanako nga makakita usab sa imong mga anak.”

Genesis 48:8

Sa dihang nakita ni Israel ang mga anak ni Jose, miingon siya, “Kinsa ba kini sila?”

1 Mga Hari 19:20

Ug iyang gibiyaan ang mga baka ug migukod kang Elias ug miingon, “Ako naghangyo kanimo, pahaloka ako sa akong amahan ug sa akong inahan ug unya mosunod ako kanimo.” Ug siya miingon kaniya, “Balik pag-usab, unsa ba ang akong nabuhat kanimo?”

Ecclesiastes 12:3

sa adlaw nga ang mga tigbantay sa balay mangurog, ug ang mga tawong kusgan mabako ug ang mga tiggaling mohunong tungod kay diyotay na lang sila ug kadtong nanambo sa mga tamboanan mangitngitan,

Isaias 59:1

Tan-awa, ang kamot sa Ginoo dili mubo nga kini dili makaluwas, o ang iyang dalunggan bungol, nga kini dili makadungog;

Isaias 6:10

Pakubali ang kasingkasing niining katawhan, ug sampongi ang ilang mga dalunggan, ug tak-opi ang ilang mga mata; tingali unya ug makakita sila pinaagi sa ilang mga mata, ug makadungog pinaagi sa ilang mga dalunggan, ug makasabot sila pinaagi sa ilang kasingkasing, ug mangakabig ug mamaayo sila.”

Deuteronomio 34:7

Si Moises nagpanuigon ug 120 ka tuig sa iyang pagkamatay. Ang iyang panan-aw wala gayod mohanap ug ang iyang kusog wala usab maluya.

1 Samuel 3:2

Niadtong panahona, si Eli, nga ang mga mata nagsugod na sa pagkahalap nga tungod niana dili na siya makakita, naghigda sa iyang lawak.

1 Samuel 4:15

Si Eli 98 na ka tuig ang panuigon ug ang iyang mga mata halap na, mao nga dili na siya makakita.