Genesis 47:7

Ang Biblia 2011

Unya gipasulod ni Jose ang iyang amahan ug iyang gipaatubang sa Paraon ug gipanalanginan ni Jacob ang Paraon.

Cross References

Genesis 14:19

Ug siya mipanalangin kang Abram ug miingon, “Panalanginan unta si Abram sa Dios nga Labing Halangdon nga nagbuhat sa langit ug sa yuta.

Genesis 35:27

Ug miadto si Jacob kang Isaac nga iyang amahan didto sa Mamre, sa lungsod sa Kiriat-arba nga mao ang Hebron, diin mipuyo si Abraham ug si Issac.

Genesis 47:10

Ug gipanalanginan ni Jacob ang Paraon ug mibiya siya sa atubangan niya.

Genesis 47:8

Ug ang Paraon miingon kang Jacob, “Pila na bay imong panuigon?”

2 Samuel 14:22

Ug si Joab mihapa sa yuta ug mihatag ug katahoran ug gipanalanginan ang hari ug si Joab miingon, “Niining adlawa ang imong sulugoon nahibalo nga gikahimut-an nimo ako, akong agalon nga hari, nga sa ingon ang hari nagtugot sa gipangayo sa iyang sulugoon.”

2 Samuel 19:39

Busa ang tibuok katawhan mitabok sa Jordan ug ang hari mitabok ug ang hari mihalok kang Barsilai ug mipanalangin kaniya ug mipauli siya sa kaugalingon niyang balay.

2 Samuel 8:10

gipaadto ni Toi ang iyang anak nga si Joram ngadto kang Hari David, aron sa pagyukbo kaniya ug pagpahalipay kaniya, tungod kay siya nakig-away batok kang Hadadeser ug nabuntog siya. Si Hadadeser kanunayng nakig-away batok kang Toi. Ug si Joram nagdala ug mga kasangkapan nga plata, bulawan ug kasangkapan nga bronsi.

1 Mga Hari 1:47

Ug dugang pa, ang mga sulugoon sa hari miadto aron sa pagpahalipay sa atong agalon nga si Hari David, nga nag-ingon, ‘Ang imong Dios maghimo unta sa ngalan ni Solomon nga bantogan pa kay sa imong ngalan, ug maghimo unta sa iyang trono nga gamhanan pa kay sa imong trono.’ Ug ang hari miyukbo diha sa higdaanan.

1 Mga Hari 8:66

Sa ikawalo nga adlaw iyang gipapauli ang katawhan, ug ilang gipanalanginan ang hari, ug namauli sa ilang mga balay nga malipayon ug maya ang ilang kasingkasing tungod sa tanang kaayo nga gipakita sa Ginoo kang David nga iyang sulugoon ug sa Israel nga iyang katawhan.

2 Mga Hari 4:29

Unya siya miingon kang Gihasi, “Baksi ang imong mga hawak ug kupti ang akong sungkod ug lakaw. Kon ikaw makasugat ni bisan kinsa, ayaw paghatag kaniya ug katahoran, ug kon may mangatahoran kanimo, ayaw pagtubag; ug ibutang ang akong sungkod sa ibabaw sa nawong sa bata.”

Exodo 12:32

Dad-a usab ninyo ang inyong mga karnero ug ang inyong mga baka sumala sa inyong gisulti. Ug panglakaw kamo ug panalangini usab ako ninyo!”

Mateo 26:26

Ug samtang nangaon sila, si Jesus mikuha ug pan ug sa nakapanalangin na siya, iya kining gipikaspikas ug gihatag ngadto sa mga tinun-an. “Pagkuha ug kaon kamo, kini mao ang akong lawas.”

Lucas 22:19

Ug siya mikuha ug pan, ug sa nakapasalamat na siya, kini iyang gipikaspikas ug gihatag kanila nga nag-ingon, “Kini mao ang akong lawas nga gihatag alang kaninyo. Buhata ninyo kini sa paghinumdom kanako.”

Josue 14:13

Unya gipanalanginan ni Josue si Caleb nga anak ni Jefone ug gihatag kaniya ang Hebron ingon nga iyang panulundon.

Josue 22:6

Busa gipanalanginan sila ni Josue ug gipalakaw sila. Ug namauli sila sa ilang mga puluy-anan.

1 Pedro 2:17

Tahora ninyo ang tanang tawo. Higugmaa ninyo ang kaigsoonan. Kahadloki ninyo ang Dios. Tahora ninyo ang hari.

1 Samuel 2:20

Unya si Eli nagpanalangin kang Elkana ug sa iyang asawa ug miingon, “Ang Ginoo maghatag unta kanimo ug mga anak pinaagi niining babaye tungod sa gasa nga inyong gitugyan ngadto sa Ginoo.” Ug unya namauli sila ngadto sa ilang kaugalingong balay.