Genesis 47:6

Ang Biblia 2011

Ang yuta sa Ehipto anaa sa atubangan nimo, papuy-a sa labing maayong yuta ang imong amahan ug ang imong mga igsoon. Papuy-a sila sa yuta sa Gosen ug kon ikaw adunay nahibaloan nga takos nga tawo diha kanila, ibutang sila ingon nga piniyalan sa akong kahayopan.”

Cross References

Genesis 13:10

Giyahat ni Lot ang iyang mga mata, ug nakita niya nga ang kapatagan sa Jordan daghan ug tubig sama sa tanaman sa Ginoo, sama sa yuta sa Ehipto paingon sa Zoar. Kini sa wala pa laglaga sa Ginoo ang Sodoma ug ang Gomora.

Genesis 13:9

Dili ba anaa man ang tibuok nga yuta sa atubangan nimo? Naghangyo ako kanimo, bulag gikan kanako. Kon adto ikaw sa wala, ako adto sa tuo, kon ikaw sa tuo, ako sa wala.”

Genesis 20:15

Ug si Abimelek miingon, “Tan-awa, ang yuta nako anaa sa atubangan nimo, puyo sa bisan asa nga dapit niini nga imong mauyonan.”

Genesis 34:10

Kamo makapuyo uban kanamo ug ang yuta bukas alang kaninyo. Puyo ug pamatigayon kamo dinhi ug panag-iya kamo ug kabtangan dinhi.”

Genesis 45:10

Ikaw mopuyo sa yuta sa Gosen, ug ikaw mahiduol kanako, ikaw ug ang imong mga anak ug ang mga anak sa imong mga anak, ang imong mga panon ug ang imong kahayopan ug ang tanan nga imo.

Genesis 46:34

ingna ninyo, ‘Ang imong mga ulipon mga tig-atiman sa kahayopan sukad pa sa among pagkabata hangtod karon, kami ug ang among mga ginikanan,’ aron makapuyo kamo sa yuta sa Gosen kay ang tanan nga mga tigbantay sa karnero dulumtanan ngadto sa mga Ehiptohanon.”

Genesis 47:11

Busa gipahiluna ni Jose ang iyang amahan ug ang iyang mga igsoon, ug iyang gihatag kanila ang usa ka katigayonan sa yuta sa Ehipto, sa labing maayo nga yuta, sa yuta ni Rameses sumala sa gisugo sa Paraon.

Genesis 47:16

Ug si Jose mitubag, “Ihatag ninyo ang inyong kahayopan ug hatagan ko kamo agig baylo alang sa inyong kahayopan, kon nahurot na ang inyong salapi.”

Genesis 47:4

Ug sila miingon sa Paraon, “Nanglangyaw kami niining yutaa kay wala nay masibsib ang mga panon sa mga karnero sa imong mga sulugoon kay ang gutom dako kaayo sa yuta sa Canaan. Busa, naghangyo kami karon kanimo, nga papuy-on unta ang imong mga sulugoon didto sa yuta sa Gosen.”

Genesis 47:5

Ug ang Paraon misulti kang Jose, “Ang imong amahan ug ang imong mga igsoon mianhi kanimo.

1 Mga Hari 11:28

Si Jeroboam usa ka tawo nga may katakos ug sa diha nga nakita ni Solomon ang batan-ong lalaki nga siya kugihan, gipiyalan siya sa pagdumala sa tanang pinugos nga trabaho sa banay ni Jose.

2 Cronicas 26:10

Siya nagtukod ug mga tore didto sa kamingawan ug nagkalot ug daghang mga atabay kay daghan man siya ug mga hayop didto sa Sefela ug sa kapatagan, ug siya adunay mga mag-uuma ug mga tig-atiman sa kaparasan sa kabukiran ug sa mga tabunok nga yuta kay siya mahigugmaon sa yuta.

Exodo 18:21

Dugang pa niini, gikan sa tanang katawhan, pagpili ug mga tawo nga may katakos, mga tawo nga mahadlokon sa Dios, mga tawo nga kasaligan ug nagdumot sa suborno. Ibutang kining mga tawhana ibabaw kanila, ingon nga mga pangulo sa mga linibo, sa mga ginatos, sa mga tag-50, ug sa mga tagnapulo.

Exodo 18:25

Ug nagpili si Moises ug mga tawo nga may katakos gikan sa tibuok Israel ug iyang gibutang sila nga mga pangulo sa katawhan, mga pangulo sa mga linibo, sa mga ginatos, sa mga tag-50 ug sa mga tagnapulo.

Exodo 9:10

Busa mikuha sila ug abo gikan sa hudno ug mitindog sila sa atubangan sa Paraon. Gisabwag kini ni Moises paingon sa langit ug kini nahimong mga hubag nga mibuto ug nahimong kabahong diha sa mga tawo ug sa mga mananap.

Exodo 9:21

Apan ang wala magtagad sa pulong sa Ginoo, nagpasagad sa iyang mga ulipon ug sa iyang kahayopan didto sa uma.

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Mga Panultihon 22:29

Nakakita ba ikaw ug usa ka tawo nga batid sa iyang buhat? Siya mag-alagad atubangan sa mga hari; dili siya mag-alagad atubangan sa mga tawong dili inila.

Jeremias 40:4

Karon ania, gibuhian ko ikaw niining adlawa gikan sa mga kadena sa imong mga kamot. Kon daw maayo alang kanimo ang pag-uban kanako ngadto sa Babilonia, dali ug ako mag-atiman kanimo pag-ayo, apan kon daw sayop alang kanimo ang pag-uban kanako ngadto sa Babilonia, ayaw pag-adto. Tan-awa, ang tibuok nga yuta anaa sa atubangan nimo. Lakaw bisan asa nga imong gihunahuna nga maayo ug angay nga adtoan.

Juan 17:2

kay gihatagan man nimo siya ug kagahom ibabaw sa tanang katawhan aron sa paghatag ug kinabuhing dayon ngadto sa tanan nga imong gikatugyan kaniya.

1 Samuel 21:7

Karon dihay usa ka tawo sa mga sulugoon ni Saul nga didto niadtong adlawa nga gihawiran sa atubangan sa Ginoo, ug ang iyang ngalan mao si Doeg nga Edomhanon, ang pangulo sa tanang tigbantay sa kahayopan ni Saul.