Genesis 47:26

Ang Biblia 2011

Busa gihimo kini ni Jose nga balaod mahitungod sa yuta sa Ehipto hangtod karon, nga ang Paraon maoy makaangkon sa ikalima nga bahin gawas lamang sa yuta sa mga pari nga wala maiya sa Paraon.

Cross References

Genesis 14:20

Ug dalaygon ang Dios nga Labing Halangdon, nga nagtugyan sa imong mga kaaway nganha sa imong kamot!” Ug si Abram mihatag kaniya sa ikapulo sa tanan.

Genesis 28:22

Unya kining batoha nga akong gipatindog ingon nga usa ka haligi mahimong balay sa Dios. Ug sa tanan nga imong gihatag kanako, ihatag gayod nako ang ikapulo kanimo.”

Genesis 41:34

Buhaton kini sa Paraon ug magpahiluna usab siya ug mga piniyalan ibabaw sa kayutaan ug sila magkuha sa ikalima nga bahin sa mga abot sa yuta sa Ehipto sulod sa pito ka tuig nga kadagaya.

Genesis 47:22

Ang yuta sa mga pari lamang ang wala niya mapalit kay ang mga pari adunay bahin gikan sa Paraon ug sila nagkaon sa ilang bahin nga gihatag kanila sa Paraon. Tungod niana wala nila ikabaligya ang ilang yuta.

Genesis 47:25

Ug sila mitubag, “Imong giluwas ang among kinabuhi, makapahimuot unta kini sa among agalon ug magpaulipon kami sa Paraon.”

Esdras 7:24

Kami usab nagpahibalo kanimo nga dili uyon sa balaod ang pagpahamtang ug buhis, alkabala o bayranan alang sa dalan ngadto kang bisan kinsa sa mga pari, mga Levihanon, mga mag-aawit, mga tigbantay sa pultahan, mga alagad sa templo o ubang mga alagad niining balay sa Dios.

Ezequiel 7:24

Tungod niini dad-on nako ang labing daotan sa mga nasod aron manag-iya sa ilang mga balay. Pahunongon usab nako ang ilang mapahitas-on nga kusog, ug ang balaan nilang mga dapit panamastamasan.

Levitico 27:30

“Ang tanan nga ikapulo sa yuta, gikan sa binhi sa yuta o sa bunga sa mga kahoy, iya sa Ginoo, kini butang nga balaan alang sa Ginoo.

Numeros 18:21

“Ug gihatag nako sa mga Levihanon ang tanang mga ikapulo sa Israel ingon nga panulondon nga bugti sa ilang pag-alagad, sa pag-alagad didto sa tolda nga tagboanan.

Deuteronomio 14:22

“Kinahanglan nga maggahin kamo sa ikapulo sa tanang abot sa inyong tanom nga naggikan sa uma matag tuig.

Deuteronomio 26:12

Sa dihang makahuman na ikaw paghatag sa tanang ikapulo sa imong mga abot sa ikatulong tuig nga mao ang tuig sa paghatag ug ikapulo nga ihatag nimo sa Levihanon, sa langyaw, sa wala nay amahan, ug sa biyuda aron sila makakaon sulod sa inyong mga lungsod ug mangabusog sila,