Genesis 47:25

Ang Biblia 2011

Ug sila mitubag, “Imong giluwas ang among kinabuhi, makapahimuot unta kini sa among agalon ug magpaulipon kami sa Paraon.”

Cross References

Genesis 18:3

Ug miingon siya, “Akong agalon, kon ako nakakaplag ug kahimuot diha sa imong atubangan, dili unta kamo mosaylo sa inyong ulipon.

Genesis 32:6

Ug ang mga sinugo namalik kang Jacob ug miingon, “Nakadangat kami sa imong igsoon nga si Esau ug siya moanhi sa pagsugat kanimo ug uban kaniya ang upat ka gatos ka tawo.”

Genesis 33:15

Busa si Esau miingon, “Ibilin nako karon ang uban sa akong mga tawo nga mikuyog kanako.” Apan siya miingon, “Unsa ba ang kinahanglan niini? Makakaplag unta ako ug kahimuot sa mga mata sa akong agalon.”

Genesis 41:45

Ug ang Paraon nagngalan kang Jose ug Zafenat-panea ug gihatag kaniya ingon nga asawa si Asenat nga anak ni Potifera ang pari sa On. Ug milibot si Jose sa yuta sa Ehipto.

Genesis 47:24

Ug sa panahon sa ting-ani ihatag ninyo ang ikalima nga bahin ngadto sa Paraon ug ang upat ka bahin inyo, alang sa inyong binhi sa yuta ug alang sa inyong pagkaon, ug alang kanila sa inyong mga panimalay ug aron makakaon ang inyong mga anak.”

Genesis 47:26

Busa gihimo kini ni Jose nga balaod mahitungod sa yuta sa Ehipto hangtod karon, nga ang Paraon maoy makaangkon sa ikalima nga bahin gawas lamang sa yuta sa mga pari nga wala maiya sa Paraon.

Genesis 50:20

Ug mahitungod kaninyo gihunahuna ninyo ang daotan batok kanako apan ang tuyo sa Dios alang sa kaayohan, aron pagluwas sa daghang katawhan karong adlawa.

Genesis 6:19

Ug gikan sa tanang buhing butang sa tanan nga unod, duha sa matag matang, sila ipasulod nimo sa arka aron mabuhi uban kanimo. Kinahanglan nga sila laki ug baye.

Ruth 2:13

Unya siya miingon, “Maluluy-on kaayo ikaw kanako, akong agalon, kay ikaw naglipay kanako ug misulti nga maluluy-on ngadto sa imong ulipon nga babaye, bisan pa ug dili ako usa sa imong mga sulugoon nga babaye.”