Genesis 47:19

Ang Biblia 2011

Busa nganong kinahanglang mangamatay kami sa atubangan sa imong mga mata, kami ingon man ang among yuta? Palita kami ug ang among yuta baylo sa pagkaon, ug kami ug ang among yuta maulipon sa Paraon. Ug hatagi kami ug binhi aron mabuhi kami ug kami dili mangamatay ug aron dili mahimong awaaw ang yuta.”

Cross References

Genesis 41:36

Ug ang pagkaon andamon alang sa kayutaan, tagana sa pito ka tuig nga gutom nga mahitabo sa yuta sa Ehipto aron ang yuta dili maut-ot tungod sa gutom.”

Genesis 47:15

Ug sa dihang nahurot na ang salapi sa yuta sa Ehipto ug sa yuta sa Canaan, ang tanang mga Ehiptohanon midangop kang Jose nga nag-ingon, “Hatagi kami ug pagkaon. Nganong kinahanglang mangamatay kami sa imong atubangan? Nahurot na ang among salapi.”

Genesis 47:18

Ug sa natapos na ang tuig, miadto sila kaniya sa ikaduha nga tuig ug miingon sila kaniya, “Dili kami magtago sa among agalon nga ang among salapi nahurot na ug ang mga panon sa kahayopan iya na sa among agalon, wala nay nahibilin sa atubangan sa among agalon kondili ang among mga lawas ug ang among mga yuta na lamang.

Genesis 47:20

Busa gipalit ni Jose ang tanang yuta sa Ehipto alang sa Paraon kay ang tanang Ehiptohanon namaligya sa ilang kayutaan kay ang gutom hilabihan gayod diha kanila ug ang yuta naiya sa Paraon.

Job 2:4

Unya si Satanas mitubag sa Ginoo, “Panit alang sa panit! Ang tanan nga iya sa usa ka tawo iyang ihatag alang sa iyang kinabuhi.

Mga Pagbangotan 1:11

Ang tibuok niyang katawhan nag-agulo samtang nangita sila ug pan; ilang gipabaylohan ang ilang mga bahandi ug pagkaon aron sa pagpahiuli sa ilang kusog. “Tan-awa, O Ginoo, ug sud-onga kay ako gitamay.”

Mga Pagbangotan 5:6

Naghimo kami ug kasabotan uban sa Ehipto ug ngadto sa Asiria, aron makakuha ug igo nga pagkaon.

Mga Pagbangotan 5:9

Nagkuha kami sa among pagkaon diha sa kakuyaw sa among kinabuhi, tungod sa espada didto sa kamingawan.

Mateo 16:26

Kay unsa may kapuslanan alang sa usa ka tawo kon maangkon niya ang tibuok kalibotan apan kawad-an sa iyang kinabuhi? O unsa may ikahatag sa tawo ingon nga bugti sa iyang kinabuhi?