Genesis 47:18

Ang Biblia 2011

Ug sa natapos na ang tuig, miadto sila kaniya sa ikaduha nga tuig ug miingon sila kaniya, “Dili kami magtago sa among agalon nga ang among salapi nahurot na ug ang mga panon sa kahayopan iya na sa among agalon, wala nay nahibilin sa atubangan sa among agalon kondili ang among mga lawas ug ang among mga yuta na lamang.

Cross References

Genesis 47:17

Ug ilang gidala ang ilang kahayopan ngadto kang Jose, ug si Jose mihatag kanila ug pagkaon baylo sa mga kabayo, sa mga panon sa karnero, sa mga baka, ug sa mga asno. Ug sila gihatagan niya ug pagkaon, baylo sa tanang kahayopan nila niadtong tuiga.

Genesis 47:19

Busa nganong kinahanglang mangamatay kami sa atubangan sa imong mga mata, kami ingon man ang among yuta? Palita kami ug ang among yuta baylo sa pagkaon, ug kami ug ang among yuta maulipon sa Paraon. Ug hatagi kami ug binhi aron mabuhi kami ug kami dili mangamatay ug aron dili mahimong awaaw ang yuta.”

2 Mga Hari 6:26

Karon, samtang miagi ang hari sa Israel duol sa kuta, may usa ka babaye nga misinggit kaniya nga nag-ingon, “Tabang, akong agalon, O hari!”

Jeremias 38:9

“Akong agalon nga hari, kining mga tawhana nakabuhat ug daotan sa tanan nilang gihimo kang Jeremias nga propeta, pinaagi sa pagtambog kaniya ngadto sa atabay ug siya mamatay didto sa kagutom kay wala may pan nga nahibilin sa siyudad.”