Genesis 47:14

Ang Biblia 2011

Ug gitigom ni Jose ang tanan nga salapi nga nakita didto sa yuta sa Ehipto ug sa yuta sa Canaan tungod sa trigo nga ilang gipamalit ug gidala ni Jose ang salapi ngadto sa balay sa Paraon.

Cross References

Genesis 41:56

Ug sa diha nga ang gutom milukop na sa tibuok nga yuta, gibuksan ni Jose ang tanan nga kamalig ug gibaligyaan niya ang mga Ehiptohanon, kay dako kaayo ang gutom sa yuta sa Ehipto.

Genesis 41:57

Ug ang tibuok kalibotan miadto sa Ehipto aron sa pagpamalit ug trigo gikan kang Jose, kay sa tibuok nga kalibotan milukop na ang gutom.

Genesis 47:15

Ug sa dihang nahurot na ang salapi sa yuta sa Ehipto ug sa yuta sa Canaan, ang tanang mga Ehiptohanon midangop kang Jose nga nag-ingon, “Hatagi kami ug pagkaon. Nganong kinahanglang mangamatay kami sa imong atubangan? Nahurot na ang among salapi.”

Mga Panultihon 11:26

Ang katawhan magtunglo kaniya nga nagtago ug bugas, apan ang panalangin anaa sa ulo sa mga nagbaligya niini.

1 Mga Taga-Corinto 4:2

Dugang pa, gikinahanglan nga ang mga piniyalan magpakita nga kasaligan.

1 Pedro 4:10

Sumala sa hiyas nga nadawat sa matag usa, gamita ninyo kini alang sa usa ug usa ingon nga mga maayong piniyalan sa nagkalainlaing grasya sa Dios.