Genesis 47:12

Ang Biblia 2011

Ug si Jose nagsangkap ug pagkaon sa iyang amahan ug sa iyang mga igsoon ug sa tanan sa panimalay sa iyang amahan sumala sa ilang mga banay.

Cross References

Genesis 45:10

Ikaw mopuyo sa yuta sa Gosen, ug ikaw mahiduol kanako, ikaw ug ang imong mga anak ug ang mga anak sa imong mga anak, ang imong mga panon ug ang imong kahayopan ug ang tanan nga imo.

Genesis 45:11

Ug didto ako magsangkap kanimo kay may nahibilin pa nga lima ka tuig sa gutom, tingali unya ug mahutdan ikaw ug ang imong panimalay ug ang tanan nga imo.” ’

Genesis 45:7

Ug ang Dios nagpadala kanako una kaninyo aron sa pagpatunhay kaninyo ingon nga salin dinhi sa yuta ug aron daghan ang mabuhi alang kaninyo.

Genesis 47:1

Unya si Jose miadto ug mipahibalo sa Paraon, “Ang akong amahan ug ang akong mga igsoon nga lalaki, ug ang ilang mga panon sa karnero ug ang ilang mga panon sa baka uban sa tanan nga ilang gipanag-iya, nangabot na gikan sa yuta sa Canaan, ug atua sila sa yuta sa Gosen.”

Genesis 47:21

Ug mahitungod sa katawhan, gihimo niya sila nga mga ulipon gikan sa usa ka tumoy sa Ehipto ngadto sa lain.

Genesis 47:24

Ug sa panahon sa ting-ani ihatag ninyo ang ikalima nga bahin ngadto sa Paraon ug ang upat ka bahin inyo, alang sa inyong binhi sa yuta ug alang sa inyong pagkaon, ug alang kanila sa inyong mga panimalay ug aron makakaon ang inyong mga anak.”

Genesis 50:21

Busa karon ayaw kamo kahadlok. Ako magpakaon kaninyo ug sa inyong mga anak.” Niining paagiha gihupay niya sila ug gipasaligan.

Exodo 20:12

“Tahora ang imong amahan ug ang imong inahan aron mataas ang imong mga adlaw sa yuta nga gihatag kanimo sa Ginoo nga imong Dios.

Isaias 22:24

Ug ilang ibitay ibabaw kaniya ang tanang himaya sa balay sa iyang amahan, ang mga anak nga kaliwat ug ang mga sanga, ang tanang gagmay nga sudlanan, gikan sa mga tasa ngadto sa mga tibod.

1 Mga Taga-Tesalonica 2:7

Apan kami malumo uban kaninyo sama sa inahan nga nag-atiman sa iyang mga anak.

1 Timoteo 4:8

kay ang lawasnon nga pagbansay may kapuslanan usab, apan ang pagkadiosnon mapuslanon gayod sa tanang paagi, ingon nga kini adunay saad sa kinabuhi karon ug sa umaabot.

1 Timoteo 5:4

Ug kon ang biyuda adunay mga anak o mga apo, patun-a una sila sa ilang diosnong katungdanan ngadto sa ilang kaugalingong panimalay ug sa paghatag ug balos ngadto sa ilang mga ginikanan kay kini kahimut-an sa atubangan sa Dios.

1 Timoteo 5:8

Ug kon adunay tawo nga wala magsangkap alang sa iyang mga kadugo, ilabi na sa iyang panimalay, siya naglimod sa iyang pagtuo ug labaw pa siyang daotan kay sa dili magtutuo.

Ruth 4:15

Ug alang kanimo siya mahimong tigpahiuli sa kinabuhi ug tiglig-on kanimo sa imong pagkatigulang kay ang imong umagad nga babaye nga nahigugma kanimo nga labaw pang maayo kanimo kay sa pito ka anak nga lalaki, nanganak kaniya.”