Genesis 46:6

Ang Biblia 2011

Gidala usab nila ang ilang kahayopan ug ang ilang katigayonan nga nahipos gikan sa yuta sa Canaan ug miadto sila sa Ehipto, si Jacob ug ang tanan niyang kaliwatan uban kaniya.

Cross References

Genesis 15:13

Ug ang Ginoo miingon kang Abram, “Hibaloi gayod kini nga ang imong mga kaliwat mahimong dumuduong sa usa ka yuta nga dili ila ug sila mahimong mga ulipon didto ug sila daogdaogon sulod sa upat ka gatos ka tuig.

Genesis 46:7

Ang iyang mga anak nga lalaki, ug mga apo nga lalaki uban kaniya, ang iyang mga anak nga babaye, ug ang mga apo nga babaye ug tanan niya nga mga kaliwat iyang gidala uban kaniya ngadto sa Ehipto.

Salmo 105:23

Unya si Israel miadto sa Ehipto; si Jacob mipuyo sa yuta ni Ham.

Isaias 52:4

Kay kini mao ang giingon sa Ginoong Dios: Ang akong katawhan sa sinugdan nanglugsong ngadto sa Ehipto aron sa pagpuyo didto, ug ang Asirianhon midaogdaog kanila sa walay hinungdan.

Numeros 20:15

nga ang among katigulangan miadto sa Ehipto ug mipuyo kami sa Ehipto sa dugay nga panahon ug ang mga Ehiptohanon midaogdaog kanamo ug sa among katigulangan.

Mga Buhat 7:15

Busa si Jacob milugsong ngadto sa Ehipto. Ug didto namatay siya ug ang atong mga katigulangan

Deuteronomio 10:22

Ang inyong katigulangan milugsong ngadto sa Ehipto, 70 ka tawo, ug karon ang Ginoo nga inyong Dios naghimo kaninyo nga sama sa mga bituon sa langit ang gidaghanon.

Deuteronomio 26:5

“Ug isulti sa atubangan sa Ginoo nga imong Dios, ‘Ang akong amahan usa ka Aramhanon nga naglatagaw ug milugsong siya ngadto sa Ehipto ug mipuyo didto, diyotay lamang ang gidaghanon ug didto nahimo siyang usa ka nasod, dako, gamhanan ug daghan.

Josue 24:4

Ug ngadto kang Isaac gihatag nako si Jacob ug si Esau. Ug gihatag nako kang Esau ang kabungtoran sa Seir aron panag-iyahon niya apan si Jacob ug ang iyang mga anak milugsong ngadto sa Ehipto.

1 Samuel 12:8

Sa pag-adto ni Jacob sa Ehipto ug ang mga Ehiptohanon nagdaogdaog kanila, ang inyong mga katigulangan nagtuaw sa Ginoo, unya ang Ginoo nagpadala kang Moises ug kang Aaron nga maoy nagpagula sa inyong katigulangan gikan sa Ehipto ug nagpapuyo kanila niining dapita.