Genesis 46:5

Ang Biblia 2011

Unya si Jacob mibiya gikan sa Beer-seba. Gidala sa mga anak ni Israel ang ilang amahan nga si Jacob ug ang ilang mga anak ug ang ilang mga asawa pinaagi sa mga sakyanan nga gipadala sa Paraon aron sakyan nila.

Cross References

Genesis 21:14

Ug si Abraham mibangon pagsayo sa buntag ug mikuha ug pan ug tubig nga sinulod sa sudlanang panit ug kini gihatag niya kang Hagar, ug gipapas-an kaniya ug gihatag kaniya ang bata, ug si Hagar gipalakaw niya. Ug migikan siya, naglatagaw sa kamingawan sa Beer-seba.

Genesis 45:19

Gisugo usab ikaw sa pag-ingon, ‘Buhata ninyo kini. Pagdala kamo ug mga sakyanan gikan sa yuta sa Ehipto alang sa inyong mga anak ug sa inyong mga asawa. Kuhaa ninyo ang inyong amahan ug anhi kamo.

Genesis 45:21

Ug ang mga anak ni Israel mihimo niini. Ug gihatagan sila ni Jose ug mga sakyanan sumala sa sugo sa Paraon ug sila gihatagan niya ug makaon alang sa ilang panaw.

Genesis 45:27

Apan sa dihang gisugilon nila kaniya ang tanan nga mga pulong ni Jose nga iyang gisulti kanila ug nakita niya ang mga sakyanan nga gipadala ni Jose aron sa pagdala kaniya, ang espiritu ni Jacob nga ilang amahan nadasig pag-usab.

Exodo 10:24

Unya ang Paraon mipatawag kang Moises, ug miingon, “Panglakaw kamo aron mag-alagad kamo sa Ginoo. Ang inyong mga kabataan makauban kaninyo apan kinahanglang ibilin ninyo ang inyong mga karnero ug ang inyong mga baka.”

Exodo 10:26

Ang among kahayopan kinahanglang uban usab kanamo. Walay bisan usa ka kuko nga mahibilin kay kami magkuha gikan niini aron mag-alagad sa Ginoo nga among Dios. Wala kami mahibalo kon unsang butanga ang kinahanglan sa among pag-alagad sa Ginoo, hangtod nga moabot kami didto.”

Mga Buhat 7:15

Busa si Jacob milugsong ngadto sa Ehipto. Ug didto namatay siya ug ang atong mga katigulangan

1 Samuel 12:8

Sa pag-adto ni Jacob sa Ehipto ug ang mga Ehiptohanon nagdaogdaog kanila, ang inyong mga katigulangan nagtuaw sa Ginoo, unya ang Ginoo nagpadala kang Moises ug kang Aaron nga maoy nagpagula sa inyong katigulangan gikan sa Ehipto ug nagpapuyo kanila niining dapita.