Genesis 46:3

Ang Biblia 2011

Unya siya miingon, “Ako mao ang Dios, ang Dios sa imong amahan. Ayaw kahadlok sa pag-adto sa Ehipto kay didto himoon ko ikaw nga usa ka dakong nasod.

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Genesis 15:1

Human niining mga butanga, ang pulong sa Ginoo miabot kang Abram pinaagi sa usa ka panan-awon, “Ayaw kahadlok, Abram, ako mao ang imong taming ug ang imong ganti dako kaayo.”

Genesis 15:13

Ug ang Ginoo miingon kang Abram, “Hibaloi gayod kini nga ang imong mga kaliwat mahimong dumuduong sa usa ka yuta nga dili ila ug sila mahimong mga ulipon didto ug sila daogdaogon sulod sa upat ka gatos ka tuig.

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Genesis 18:18

nga si Abraham mahimo man gayod nga usa ka dako ug lig-on nga nasod, ug diha kaniya panalanginan ang tanang mga nasod sa yuta?

Genesis 22:17

ikaw panalanginan gayod nako ug akong padaghanon ang imong mga kaliwat sama sa mga bituon sa langit ug ingon sa balas nga anaa sa baybayon sa dagat, ug ang imong mga kaliwat manag-iya sa ganghaan sa ilang mga kaaway.

Genesis 35:11

Ug ang Dios miingon kaniya, “Ako mao ang Dios nga Labing Gamhanan, pagmabungahon ka ug sanay, usa ka nasod ug pundok sa mga nasod maggikan kanimo ug ang mga hari maggikan kanimo.

Genesis 47:27

Ug si Israel nagpuyo sa yuta sa Ehipto, sa yuta sa Gosen. Ug sila nakapanag-iya niini, ug nagmabungahon sila ug nanaghan sa hilabihan gayod.

Genesis 48:16

ang anghel nga nagluwas kanako gikan sa tanan nga kadaotan, magpanalangin niining mga batan-on, ug diha kanila ang akong ngalan magpadayon ug ang ngalan sa akong mga ginikanan nga si Abraham ug si Isaac, ug magpadaghan kanila sa hilabihan gayod sa taliwala sa yuta.”

Genesis 48:19

Apan ang iyang amahan mibalibad, ug miingon, “Nahibalo ako niini, anak ko, nahibalo ako. Siya usab mahimong usa ka katawhan ug siya usab padaghanon apan ang iyang manghod nga lalaki mahimong dako kay kaniya ug ang iyang kaliwatan mahimong usa ka panon sa mga nasod.”

Exodo 1:12

Apan sa nagdugang ang pagdaogdaog kanila, misamot pa hinuon sila pagdaghan ug pagkatag sa nasod. Ug ang mga Ehiptohanon nangalisang sa katawhan sa Israel.

Exodo 14:13

Ug si Moises miingon sa katawhan, “Ayaw kamo kahadlok, barog nga lig-on, ug tan-awa ninyo ang kaluwasan sa Ginoo nga iyang buhaton karon kaninyo. Kay ang mga Ehiptohanon nga inyong nakita karon, dili na gayod ninyo makita pag-usab.

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Jeremias 40:9

Si Gedalias nga anak ni Ahikam nga anak ni Safan nanumpa kanila ug sa ilang mga tawo, nga nag-ingon, “Ayaw kahadlok sa pag-alagad sa mga Caldeanhon. Puyo dinhi sa yuta ug alagari ang hari sa Babilonia ug kini maayo alang kaninyo.

Mga Buhat 27:24

ug miingon kanako, ‘Ayaw kahadlok, Pablo. Kinahanglang moatubang ikaw kang Cesar, ug tan-awa, gitugyan sa Dios kanimo ang tanan nga nagsakay uban kanimo.’

Mga Buhat 7:17

“Sa nagkaduol na ang panahon nga tumanon sa Dios ang iyang gisaad kang Abraham, ang mga tawo miuswag ug midaghan didto sa Ehipto

Deuteronomio 1:10

Ang Ginoo nga inyong Dios nagpadaghan kaninyo, ug tan-awa, niining adlawa kamo sama sa mga bituon sa langit ang gidaghanon.

Deuteronomio 10:22

Ang inyong katigulangan milugsong ngadto sa Ehipto, 70 ka tawo, ug karon ang Ginoo nga inyong Dios naghimo kaninyo nga sama sa mga bituon sa langit ang gidaghanon.

Deuteronomio 26:5

“Ug isulti sa atubangan sa Ginoo nga imong Dios, ‘Ang akong amahan usa ka Aramhanon nga naglatagaw ug milugsong siya ngadto sa Ehipto ug mipuyo didto, diyotay lamang ang gidaghanon ug didto nahimo siyang usa ka nasod, dako, gamhanan ug daghan.