Genesis 46:1

Ang Biblia 2011

Busa migikan si Israel uban sa tanan nga iyaha ug miabot sa Beer-seba ug naghalad siya ug mga halad alang sa Dios sa iyang amahan nga si Isaac.

Cross References

Genesis 12:8

Unya mibalhin siya didto sa kabukiran dapit sa silangan sa Betel ug gipabarog niya ang iyang tolda. Dapit sa kasadpan niini mao ang Betel ug ang Ai dapit sa silangan. Ug nagtukod siya didto ug usa ka halaran alang sa Ginoo ug nagtawag sa ngalan sa Ginoo.

Genesis 21:14

Ug si Abraham mibangon pagsayo sa buntag ug mikuha ug pan ug tubig nga sinulod sa sudlanang panit ug kini gihatag niya kang Hagar, ug gipapas-an kaniya ug gihatag kaniya ang bata, ug si Hagar gipalakaw niya. Ug migikan siya, naglatagaw sa kamingawan sa Beer-seba.

Genesis 21:31

Tungod niini, kadtong dapita ginganlan ug Beer-seba kay didto nanumpa silang duha sa usa ka panaad.

Genesis 21:33

Ug si Abraham nagtanom ug usa ka kahoy nga tamarisko didto sa Beer-seba ug didto mitawag siya sa ngalan sa Ginoo nga walay kataposan nga Dios.

Genesis 22:13

Unya giyahat ni Abraham ang iyang mga mata ug siya mitan-aw, ug iyang nakita nga sa iyang likod dihay usa ka laking karnero nga ang mga sungay nasangit sa kasampinitan. Ug miadto si Abraham ug gikuha niya ang karnero nga laki ug kini iyang gihalad ingon nga halad nga sunogon puli sa iyang anak.

Genesis 28:10

Ug si Jacob mibiya sa Beer-seba ug mipadulong sa Haran.

Genesis 28:13

Ug didto ang Ginoo nagtindog sa ibabaw niini, ug miingon, “Ako mao ang Ginoo, ang Dios ni Abraham nga imong amahan ug ang Dios ni Isaac. Ang yuta nga imong gihigdaan ihatag ko kanimo ug sa imong kaliwatan.

Genesis 31:42

Kon ang Dios sa akong amahan, ang Dios ni Abraham, ug ang kahadlok ni Isaac wala pa mag-uban kanako, sa pagkatinuod, palakton unta nimo ako karon nga walay dala. Ang Dios nakakita sa akong kasakit ug sa kabudlay sa akong mga kamot ug ikaw gibadlong niya kagabii.”

Genesis 31:53

Ang Dios ni Abraham, ug ang Dios ni Nahor, ang Dios sa ilang amahan maghukom taliwala kanato.” Ug si Jacob nanumpa pinaagi sa kahadlok ni Isaac nga iyang amahan.

Genesis 33:20

Ug gipatindog niya didto ang usa ka halaran, ug kini ginganlan niya, “Dios, ang Dios ni Israel.”

Genesis 35:3

Ug manindog kita ug manungas ngadto sa Betel aron magbuhat ako didto ug usa ka halaran alang sa Dios nga nagtubag kanako sa adlaw sa akong kagul-anan ug nag-uban kanako bisan diin ako miadto.”

Genesis 35:7

Ug nagtukod siya didto ug usa ka halaran, ug gitawag ang maong dapit ug El-Betel kay didto nagpakita kaniya ang Dios, sa pagkagiw niya gikan sa iyang igsoon.

Genesis 4:4

Ug si Abel nagdala usab sa mga kamagulangan sa iyang mga karnero ug sa mga tambok nga bahin niini ug gitagad sa Ginoo si Abel ug ang iyang halad.

Genesis 45:28

Unya si Israel miingon, “Igo na kini, si Jose nga akong anak buhi pa diay, ako moadto ug motan-aw kaniya sa dili pa ako mamatay.”

Genesis 8:20

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

Job 1:5

Ug sa molabay na ang mga adlaw sa ilang mga pagsaulog, si Job magpaadto ug magbalaan kanila, ug mosayo siya pagmata inigkabuntag ug maghalad ug mga halad nga sunogon, sumala sa gidaghanon nilang tanan kay miingon si Job, “Tingali ug nakasala ang akong mga anak, ug nagpasipala sa Dios diha sa ilang mga kasingkasing.” Mao kini ang himoon ni Job sa kanunay.

Job 42:8

Busa karon, pagkuha ug pito ka torong baka ug pito ka karnero, ug adto kang Job nga akong alagad, ug paghalad kamo ug halad nga sunogon alang sa inyong kaugalingon. Ug ang akong alagad nga si Job mag-ampo alang kaninyo, kay akong dawaton ang iyang pag-ampo, nga dili ako magbuhat alang kaninyo sumala sa inyong binuang, kay kamo wala magsulti sa matarong mahitungod kanako, ingon kang Job.”

Amos 7:9

ang habog nga mga dapit ni Isaac mahimong biniyaan, ug ang mga balaang dapit sa Israel mahimong awaaw, ug ako motindog batok sa balay ni Jeroboam uban ang usa ka espada.”

Mga Buhat 7:15

Busa si Jacob milugsong ngadto sa Ehipto. Ug didto namatay siya ug ang atong mga katigulangan

Josue 24:4

Ug ngadto kang Isaac gihatag nako si Jacob ug si Esau. Ug gihatag nako kang Esau ang kabungtoran sa Seir aron panag-iyahon niya apan si Jacob ug ang iyang mga anak milugsong ngadto sa Ehipto.

1 Samuel 3:20

Ug ang tibuok Israel gikan sa Dan ngadto sa Beer-seba nahibalo nga si Samuel napamatud-an nga propeta sa Ginoo.

1 Samuel 8:2

Ang ngalan sa iyang kamagulangan mao si Joel ug si Abiha ang ngalan sa ikaduha. Sila mao ang mga maghuhukom sa Beer-seba.