Genesis 45:6

Ang Biblia 2011

Kay ang gutom ania sa yuta duha na karon ka tuig ug may nahibilin pa nga lima ka tuig nga walay pagdaro o pag-ani.

Cross References

Genesis 37:2

Kini mao ang kasaysayan sa banay ni Jacob. Si Jose nga nagpanuigon ug napulo ug pito ka tuig nag-atiman sa mga panon sa kahayopan uban sa iyang mga igsoon nga lalaki. Siya nakig-uban sa mga anak nga lalaki ni Bilha ug sa mga anak nga lalaki ni Zilpa, mga asawa sa iyang amahan, ug si Jose nagdala ug dili maayong taho ngadto sa iyang amahan mahitungod kanila.

Genesis 41:35

Ug ipatigom nila ang tanan nga makaon niining maayong mga tuig nga moabot, ug ang trigo nga moabot tigomon nila ubos sa pagbuot sa Paraon alang sa pagkaon sa kalungsoran ug kini patipigan nimo kanila.

Genesis 41:46

Si Jose nagpanuigon ug 30 ka tuig sa pag-alagad niya sa Paraon, ang hari sa Ehipto. Ug si Jose mibiya sa atubangan sa Paraon ug milibot sa tibuok nga yuta sa Ehipto.

Genesis 41:53

Ug natapos ang pito ka tuig sa kadagaya didto sa yuta sa Ehipto.

Genesis 41:54

Ug misugod pag-abot ang pito ka tuig nga gutom sumala sa giingon ni Jose. Ug dihay gutom sa tanan nga kayutaan, apan sa tibuok nga yuta sa Ehipto dihay pagkaon.

Genesis 41:56

Ug sa diha nga ang gutom milukop na sa tibuok nga yuta, gibuksan ni Jose ang tanan nga kamalig ug gibaligyaan niya ang mga Ehiptohanon, kay dako kaayo ang gutom sa yuta sa Ehipto.

Genesis 47:18

Ug sa natapos na ang tuig, miadto sila kaniya sa ikaduha nga tuig ug miingon sila kaniya, “Dili kami magtago sa among agalon nga ang among salapi nahurot na ug ang mga panon sa kahayopan iya na sa among agalon, wala nay nahibilin sa atubangan sa among agalon kondili ang among mga lawas ug ang among mga yuta na lamang.

Genesis 47:23

Unya si Jose miingon sa katawhan, “Tan-awa, gipalit ko kamo ug ang inyong yuta alang sa Paraon. Aniay binhi alang kaninyo ug pugsi ninyo ang yuta.

Exodo 34:21

“Unom ka adlaw nga kamo magbuhat, apan sa ikapito nga adlaw mopahulay kamo. Bisan sa panahon sa pagdaro ug sa pag-ani kinahanglang mopahulay kamo.

Isaias 30:24

Ang mga baka usab ug ang mga asno nga nag-ugmad sa yuta makakaon sa inasinan nga kompay nga pinadparan sa pala ug sa kakha.

Deuteronomio 21:4

Ug ang mga kadagkoan niadtong siyudara magdala sa nating baka nga baye ngadto sa usa ka walog nga may nag-agas nga tubig, nga wala pa gayod madaro o mapugsi, ug ilang lunggoan sa liog ang nating baka nga baye didto sa walog.

1 Samuel 8:12

ug siya magpili alang kaniya ug mga pangulo sa linibo ug mga pangulo sa tag-50 ug ang uban magdaro sa iyang yuta ug mag-ani sa iyang alanihon; ang uban tigbuhat ug mga kasangkapan sa gubat ug mga kasangkapan sa iyang mga karwahi.