Genesis 45:3

Ang Biblia 2011

Ug si Jose miingon sa iyang mga igsoon, “Ako mao si Jose, buhi pa ba ang akong amahan?” Apan ang iyang mga igsoon wala makatubag kaniya kay sila nangalisang sa iyang atubangan.

Cross References

Genesis 37:20

Mangadto kita ug patyon nato siya ug ihulog nato siya sa usa sa mga gahong ug ingnon lamang nato nga may usa ka bangis nga mananap nga mitukob kaniya ug tan-awon nato kon unsay dangatan sa iyang mga damgo.”

Genesis 42:21

Unya miingon sila sa usa ug usa, “Matuod gayod nga kita nakasala batok sa atong igsoon kay nakita nato ang kapaitan sa iyang kalag sa pagpangaliyupo niya kanato apan wala kita mamati kaniya, tungod niana miabot kanato kining maong kapaitan.”

Genesis 42:22

Ug si Ruben mitubag kanila, “Wala ba ako magsulti kaninyo, ‘Ayaw kamo pagpakasala batok sa bata?’ Apan wala gayod kamo mamati. Busa karon, ang iyang dugo gipaningil na.”

Genesis 43:27

Ug siya nangutana kanila mahitungod sa ilang kahimtang ug miingon, “Ang inyong amahan, ang tigulang nga giingon ninyo, maayo ba siya? Buhi pa ba siya?”

Job 23:15

Busa ako nalisang diha sa iyang atubangan; sa diha nga ako mamalandong, mahadlok ako kaniya.

Job 4:5

Apan karon miabot na kini kanimo ug ikaw nawad-an ug pailob; nagtandog kini kanimo ug ikaw nalibog.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Marcos 6:50

kay silang tanan nakakita man kaniya ug nangalisang sila. Apan dihadiha misulti siya kanila ug miingon, “Ayaw kamo ug kahadlok, ako kini! Salig lamang kamo.”

Lucas 5:8

Apan sa pagkakita niini ni Simon Pedro, mihapa siya sa atubangan ni Jesus ug miingon kaniya, “Pahawa gikan kanako, kay ako usa ka tawong makasasala, O Ginoo.”

Mga Buhat 7:13

Ug sa ikaduhang pag-adto, si Jose mipaila sa iyang mga igsoon, ug ang banay ni Jose nailhan sa Paraon.

Mga Buhat 9:5

Ug siya miingon, “Kinsa ka ba, Ginoo?” Ug siya mitubag, “Ako mao si Jesus nga imong gilutos.

Gipadayag 1:7

Tan-awa, siya moabot uban sa mga panganod; ug makita siya sa tanang mata, sa tanang miduslak kaniya; ug ang tanang kabanayan sa yuta magminatay tungod kaniya. Oo. Amen.