Genesis 45:27

Ang Biblia 2011

Apan sa dihang gisugilon nila kaniya ang tanan nga mga pulong ni Jose nga iyang gisulti kanila ug nakita niya ang mga sakyanan nga gipadala ni Jose aron sa pagdala kaniya, ang espiritu ni Jacob nga ilang amahan nadasig pag-usab.

Cross References

Genesis 45:19

Gisugo usab ikaw sa pag-ingon, ‘Buhata ninyo kini. Pagdala kamo ug mga sakyanan gikan sa yuta sa Ehipto alang sa inyong mga anak ug sa inyong mga asawa. Kuhaa ninyo ang inyong amahan ug anhi kamo.

Genesis 45:28

Unya si Israel miingon, “Igo na kini, si Jose nga akong anak buhi pa diay, ako moadto ug motan-aw kaniya sa dili pa ako mamatay.”

Salmo 85:6

Dili ba nimo kami hatagan pag-usab ug kinabuhi aron ang imong katawhan maglipay diha kanimo?

Mga Panultihon 25:25

Sama sa bugnaw nga tubig alang sa giuhaw nga kalag, mao usab ang maayong balita gikan sa layong dapit.

Isaias 57:15

Kay kini mao ang giingon sa taas ug sa Usa nga halangdon nga nagpuyo sa walay kataposan, nga ang ngalan Balaan: “Ako nagpuyo sa habog ug balaan nga dapit, ug uban usab kaniya nga may mahinulsolon ug mapaubsanon nga espiritu, aron sa pagpabuhi sa espiritu sa mapaubsanon, ug aron sa pagpabuhi sa kasingkasing sa mahinulsolon.

Oseas 6:2

Human sa duha ka adlaw ipahiuli niya kita, sa ikatulo nga adlaw ituboy niya kita, aron kita magpuyo sa iyang atubangan.

Mga Maghuhukom 15:19

Ug gibuksan sa Dios ang may lungag nga dapit sa Lehi ug migula ang tubig didto. Ug sa pag-inom niya, naulian ang iyang espiritu ug siya nabaskog. Busa ang ngalan niadto gitawag ug En-hakore nga anaa sa Lehi hangtod niining adlawa.

1 Samuel 30:12

Gihatagan nila siya ug usa ka torta nga gikan sa igera ug duha ka pungpong nga paras. Ug sa nakakaon na siya, naulian ang iyang espiritu kay wala man siya makakaon ug pan o makainom ug tubig sulod sa tulo ka adlaw ug tulo ka gabii.