Genesis 45:16

Ang Biblia 2011

Sa diha nga ang balita miabot sa balay sa Paraon, “Ang mga igsoon ni Jose miabot,” kini nakapahimuot pag-ayo sa Paraon ug sa iyang mga ulipon.

Cross References

Genesis 16:6

Apan si Abram miingon kang Sarai, “Tan-awa, ang imong ulipon nga babaye ubos sa imong gahom, buhata kaniya ang makalipay kanimo.” Ug si Sarai midaogdaog kaniya pag-ayo ug mikagiw siya gikan kaniya.

Genesis 20:15

Ug si Abimelek miingon, “Tan-awa, ang yuta nako anaa sa atubangan nimo, puyo sa bisan asa nga dapit niini nga imong mauyonan.”

Genesis 34:18

Ug ang ilang mga pulong nakapahimuot kang Hamor ug kang Sekem nga anak ni Hamor.

Genesis 41:33

Busa, mangita karon ang Paraon ug usa ka tawo nga buotan ug maalamon ug ipahimutang siya ibabaw sa yuta sa Ehipto.

Genesis 41:37

Ang maong sugyot nakapahimuot sa Paraon ug sa tanan niyang mga alagad.

Genesis 45:15

Ug mihalok siya sa tanan niyang mga igsoon ug mihilak tungod kanila, ug human niini nakigsulti kaniya ang iyang mga igsoon.

Genesis 45:17

Ug miingon ang Paraon kang Jose, “Ingna ang imong mga igsoon, ‘Buhata ninyo kini: kargahi ninyo ang inyong mga hayop ug lakaw kamo, pauli sa yuta sa Canaan,

2 Samuel 3:36

Ug ang tibuok katawhan nakamatikod niini ug kini nakalipay kanila, ingon nga ang tanan nga gibuhat sa hari nakapahimuot sa tibuok katawhan.

2 Cronicas 30:4

Ug ang plano matarong alang sa hari ug sa tibuok katilingban.

Ester 1:21

Kini nga tambag nakapahimuot sa hari ug sa mga pangulo ug ang hari nagbuhat sumala sa gisugyot ni Memucan.

Ester 2:4

Ug ipahimong rayna ang dalaga nga makapahimuot sa hari puli kang Vasti.” Nakapahimuot kini sa hari ug kini iyang gibuhat.

Ester 5:14

Unya si Zeres nga iyang asawa ug ang tanan niyang mga higala miingon kaniya, “Ipabuhat ang usa ka bitayan nga 50 ka maniko ang gihabogon, ug sa pagkabuntag sultihi ang hari nga ipabitay si Mardoqueo niini; unya lakaw nga malipayon uban sa hari ngadto sa kombira.” Kining tambaga nakapahimuot kang Haman ug iyang gipabuhat ang bitayan.

Mga Buhat 6:5

Ug ang ilang gisulti nakapahimuot sa tibuok pundok sa katawhan. Ug ilang gipili sila si Esteban, usa ka tawo nga puno sa pagtuo ug sa Espiritu Santo, ug si Felipe, si Procoro, si Nicanor, si Timon, si Parmenas ug si Nicolas nga usa ka kinabig nga taga-Antioquia.

Mga Buhat 7:13

Ug sa ikaduhang pag-adto, si Jose mipaila sa iyang mga igsoon, ug ang banay ni Jose nailhan sa Paraon.

Deuteronomio 1:33

nga nag-una kaninyo sa dalan aron sa pagpangita ug dapit kon asa kamo magpahiluna sa inyong mga tolda, pinaagi sa kalayo panahon sa gabii, aron sa pagpakita kaninyo sa dalan nga inyong subayan, ug pinaagi sa panganod panahon sa adlaw.