Genesis 45:14

Ang Biblia 2011

Ug migakos siya sa liog ni Benjamin nga iyang igsoon ug mihilak siya ug si Benjamin usab mihilak nga naggakos diha sa iyang liog.

Cross References

Genesis 29:11

Unya si Jacob mihalok kang Raquel ug mihilak ug kusog.

Genesis 33:4

Apan si Esau midagan sa pagsugat kaniya ug migakos kaniya ug mipauraray sa iyang liog ug mihalok kaniya ug nanghilak sila.

Genesis 42:24

Ug siya mibiya kanila ug mihilak ug unya siya mibalik kanila ug misulti kanila. Ug iyang gikuha si Simeon ug gigapos niya siya sa atubangan sa ilang mga mata.

Genesis 43:30

Unya si Jose midali pagbiya kay ang iyang kasingkasing nangandoy alang sa iyang igsoon, ug nangita siya ug dapit aron sa paghilak. Ug misulod siya sa iyang lawak ug mihilak siya didto.

Genesis 45:15

Ug mihalok siya sa tanan niyang mga igsoon ug mihilak tungod kanila, ug human niini nakigsulti kaniya ang iyang mga igsoon.

Genesis 45:2

Ug siya mihilak ug kusog ug nakadungog ang mga Ehiptohanon ug nakadungog usab ang panimalay sa Paraon.

Genesis 46:29

Ug gipaandam ni Jose ang iyang sakyanan ug miadto siya sa pagdawat kang Israel nga iyang amahan didto sa Gosen. Unya nagpaila siya sa iyang kaugalingon ngadto kang Jacob ug migakos sa liog sa iyang amahan ug mihilak sa igo nga kadugayon.

Lucas 15:20

Ug siya mitindog ug miadto sa iyang amahan. Apan samtang didto pa siya sa layo, nakita siya sa iyang amahan ug kini giabot ug kaluoy, ug midagan ug migakos kaniya ug mihalok kaniya.

Roma 1:31

walay panabot, dili kasaligan, walay balatian, walay kaluoy.