Genesis 44:2

Ang Biblia 2011

Ug ibutang ang akong kupa, ang kupa nga plata, diha sa baba sa sako sa kamanghoran, lakip ang iyang salapi nga gibayad alang sa trigo.” Ug gibuhat niya kini sumala sa giingon ni Jose.

Cross References

Genesis 42:20

Ug dad-a ninyo dinhi kanako ang inyong igsoon nga kamanghoran. Sa ingon niana, masuta ang inyong mga pulong ug dili kamo mangamatay.” Ug gibuhat nila kini.

Genesis 42:25

Unya si Jose nagsugo nga pun-on ang ilang mga sudlanan sa trigo ug ipauli ang salapi sa matag usa diha sa iyang sako ug hatagan sila ug balon alang sa ilang panaw. Ug kini gibuhat ngadto kanila.

Genesis 43:32

Ug siya gidulotan nila nga siya ra, ug sila gidulotan usab nga sila ra, ug ang mga Ehiptohanon nga nagkaon uban kaniya gilain usab pagdulot kay ang mga Ehiptohanon dili mahimong makigsalo ug pagkaon uban sa mga Hebreo kay kana usa ka butang nga dulumtanan alang sa mga Ehiptohanon.

Genesis 44:1

Unya nagsugo si Jose sa tinugyanan sa iyang balay, “Pun-a sa mga pagkaon ang mga sako niining mga tawhana, kutob sa ilang madala, ug ibutang ang salapi sa tagsatagsa diha sa baba sa iyang sako.

Genesis 44:12

Ug gipangita niya sugod sa kamagulangan ug natapos sa kamanghoran. Ug ang kupa nakit-an sa sako ni Benjamin.

Genesis 44:3

Sa pagbanagbanag na sa kabuntagon, ang mga tawo gipalakaw, sila ug ang ilang mga asno.

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

2 Mga Taga-Corinto 8:8

Ako nagsulti niini dili ingon nga sugo, kondili aron sa pagpamatuod nga ang inyong gugma matuod usab pinaagi sa pagkamatinud-anon sa uban.

Deuteronomio 13:3

ayaw kamo pamati sa mga pulong sa maong propeta o sa maong tighubad sa mga damgo kay ang Ginoo nga inyong Dios nagsulay kaninyo, aron sa pag-ila kon nahigugma ba kamo o wala sa Ginoo nga inyong Dios sa tibuok ninyong kasingkasing ug sa tibuok ninyong kalag.

Deuteronomio 8:16

kaniya nga nagpakaon kaninyo didto sa kamingawan ug mana nga wala mailhi sa inyong katigulangan, aron unta himoon kamo niya nga ubos ug sulayan kamo aron sa paghimo ug maayo kaninyo sa kaulahian.

Deuteronomio 8:2

Ug hinumdomi ninyo ang tanang dalan nga gidad-an kaninyo sa Ginoo nga inyong Dios sulod sa 40 ka tuig didto sa kamingawan, aron kamo himoon niya nga mapaubsanon, magsulay kaninyo aron sa pag-ila sa unsay anaa sa inyong kasingkasing, kon magtuman ba kamo sa iyang mga sugo o dili.