Genesis 44:16

Ang Biblia 2011

Unya si Juda miingon, “Unsa man ang isulti namo sa akong agalon? Unsay among ipamulong? O unsaon man namo sa paglingkawas sa sala? Ang kasal-anan sa imong mga ulipon nakita sa Dios. Tan-awa, kami mga ulipon sa akong agalon, kami ug siya usab nga sa iyang kamot nakit-an ang kupa.”

Cross References

Genesis 37:7

Nakita nako nga nagbugkos kita ug mga inani didto sa uma, ug ang akong binugkos mitindog ug mituy-od, ug ang inyong mga binugkos mialirong ug miyukbo sa akong binugkos.”

Genesis 37:9

Unya nagdamgo na usab siya ug lain pang damgo ug gisugilon niya kini sa iyang mga igsoon, “Paminaw, nagdamgo ako ug lain na usab nga damgo. Nakita nako nga ang adlaw ug ang bulan ug ang napulo ug usa ka bituon nangyukbo kanako.”

Genesis 44:17

Apan siya miingon, “Dili mahitabo nga buhaton nako kana. Ang tawo nga kaniya nakit-an ang kupa, siya maulipon nako apan mahitungod kaninyo, lakaw kamo nga malinawon ngadto sa inyong amahan.”

Genesis 44:32

Kay ang imong ulipon migikan nga maoy nagpasalig alang sa bata ngadto sa akong amahan nga nag-ingon, ‘Kon siya dili nako ikabalik kanimo, ako ang pakasad-on sa akong amahan sa tibuok nakong kinabuhi.’

Genesis 44:9

Si bisan kinsa sa imong mga ulipon nga kaniya makaplagan ang kupa, mamatay siya ug bisan kami mahimong ulipon sa akong agalon.”

1 Mga Hari 17:18

Ug siya miingon kang Elias, “Unsa may inyong nasuk-an kanako, O tawo sa Dios? Mianhi ikaw aron sa pagpahinumdom kanako sa akong sala ug sa pagpatay sa akong anak!”

Esdras 9:10

“Ug karon, O among Dios, unsay among ikasulti human niini? Kay kami mibiya sa imong mga sugo,

Esdras 9:15

O Ginoo, ang Dios sa Israel, ikaw matarong kay kami nahibilin nga usa ka salin nga nakaikyas hangtod niining adlawa. Tan-awa, kami ania sa imong atubangan sa among pagkasad-an kay walay makatindog sa imong atubangan tungod niini.”

Job 40:4

“Tan-awa, ako walay pulos, unsa ba ang akong itubag kanimo? Gitapion nako ang akong kamot sa akong baba.

Mga Panultihon 17:15

Siya nga maghimong matarong sa daotan ug siya nga maghukom sa matarong managsama nga dulumtanan sa Ginoo.

Mga Panultihon 28:17

Kon ang usa ka tawo sad-an sa dugo sa lain, pakagiwa siya hangtod sa kamatayon; ayaw siya patabangi ni bisan kinsa.

Isaias 27:9

Tungod niini ang kasal-anan ni Jacob pasayloon, ug kini mao ang kinatibuk-an nga bunga sa pagkuha sa iyang sala, sa diha nga mahimo niya ang tanang mga bato sa mga halaran sama sa mga bato nga anapog nga gipulpog, wala nay mga Asera o mga halaran sa insenso nga magpabiling magtindog.

Isaias 5:3

Ug karon, O mga lumulupyo sa Jerusalem ug katawhan sa Juda, paghukom kamo tali kanako ug sa akong parasan.

Daniel 9:7

Kanimo, O Ginoo, ang pagkamatarong, apan kanamo kaulawan, ingon niining adlawa, sa mga tawo sa Juda, sa mga nagpuyo sa Jerusalem ug sa tibuok nga Israel, kadtong duol ug kadtong layo, sa tanang yuta nga imong giabogan kanila tungod sa pagbudhi nga ilang nahimo batok kanimo.

Numeros 32:23

Apan kon kini dili ninyo buhaton, kamo nakasala batok sa Ginoo ug masilotan gayod kamo tungod sa inyong sala.

Mateo 7:2

Kay ang hukom nga inyong ipakanaog mao usab ang ihukom kaninyo, ug ang takos nga inyong ihatag mao usab ang takos nga inyong madawat.

Lucas 12:2

Walay tinabonan nga dili ukban o tinagoan nga dili mahibaloan.

Mga Buhat 2:37

Sa ilang pagkadungog niini, nasamaran ang ilang mga kasingkasing, ug nangutana sila kang Pedro ug sa ubang mga apostoles, “Mga igsoon, unsa may among buhaton?”

Deuteronomio 25:1

“Kon adunay panaglalis taliwala sa mga tawo ug mangadto sila sa hukmanan ug ang mga maghuhukom maghukom tali kanila, buhian ang matarong ug silotan ang sad-an.

Josue 7:1

Apan ang katawhan sa Israel nakasala sa butang nga ginahin, kay si Acan nga anak ni Carmi nga anak ni Zabdi nga anak ni Zera sa banay ni Juda, mikuhag mga butang nga ginahin ug ang kaligutgot sa Ginoo misilaob batok sa katawhan sa Israel.

Josue 7:18

Ug gidala niya ang matag tawo nga iyang sakop sa panimalay ug si Acan nga anak ni Carmi nga anak ni Zabdi nga anak ni Zera sa banay ni Juda maoy nakuha.

Mga Maghuhukom 1:7

Si Adonibezek miingon, “70 ka hari nga gipamutlan sa ilang mga kumagko sa kamot ug sa tiil ang namunit ug mumho sa ilalom sa akong lamisa. Sumala sa akong nabuhat, mao usab ang gipaningil sa Dios kanako.” Ug siya gidala nila sa Jerusalem ug namatay siya didto.