Genesis 43:9

Ang Biblia 2011

Ako maoy magpasalig alang kaniya, sa akong kamot ikaw maningil kaniya nga kon dili nako siya ikauli kanimo ug ikabutang sa imong atubangan, sad-an ako batok kanimo hangtod sa kahangtoran.

Cross References

Genesis 31:39

Kadtong gitukob sa mga mananap nga ihalas wala nako dad-a kanimo. Ako ang nag-abaga sa mga nangawala niini, gikan sa akong kamot gipabayran nimo kini, bisan ang gikawat panahon sa adlaw o gikawat panahon sa gabii.

Genesis 42:37

Busa si Ruben misulti sa iyang amahan nga nag-ingon, “Patya ang akong duha ka anak nga lalaki kon siya dili nako ibalik kanimo. Itugyan siya sa akong kamot ug siya ibalik nako kanimo.”

Genesis 43:10

Kon wala pa unta kami maglangan, nakabalik na unta kami karon sa makaduha.”

Genesis 9:5

Kay ang dugo nga inyong kinabuhi paninglon gayod nako sa tanang mananap paninglon nako kini ug sa tawo. Sa matag igsoon sa tawo paninglon nako ang kinabuhi sa tawo.

2 Samuel 14:9

Ug ang babaye sa Tekoa miingon sa hari, “Ang kasal-anan maanaa sa ibabaw nako, akong agalon nga hari, ug sa balay sa akong amahan; ang hari ug ang iyang trono wala untay sala.”

1 Mga Hari 1:21

Basin hinuon ug mahitabo nga sa diha nga ang akong agalong hari mopahulay uban sa iyang katigulangan, nga ako ug ang akong anak nga si Solomon isipon nga mga malapason.”

Job 17:3

“Pagbutang ug usa ka pasalig alang kanako diha kanimo; kinsa ba ang anaa nga mohatag ug pasalig alang kanako?

Salmo 119:122

Ipasalig ang kaayohan sa imong alagad; ayaw itugot nga ang mapahitas-on modaogdaog kanako.

Ezequiel 3:18

Kon ako moingon ngadto sa daotan, ‘Ikaw mamatay gayod,’ ug ikaw wala maghatag kaniya ug pasidaan o magsulti sa pagbadlong sa daotan gikan sa ngil-ad niyang dalan aron pagluwas sa iyang kinabuhi, ang maong tawo nga daotan mamatay sa iyang kasal-anan, apan ang iyang dugo paninglon nako diha sa imong kamot.

Ezequiel 3:20

Ug usab, sa diha nga ang usa ka tawong matarong motalikod gikan sa iyang pagkamatarong ug magpakasala ug ako nagbutang ug kapandolanan sa iyang atubangan, siya mamatay. Tungod kay ikaw wala magpasidaan kaniya, siya mamatay sa iyang sala ug ang mga matarong nga buhat nga iyang nahimo dili na hinumdoman, apan ang iyang dugo paninglon nako diha sa imong kamot.

Ezequiel 33:6

Apan kon ang tigbantay makakita sa espada nga moabot ug dili patingogon ang trumpeta ug ang katawhan dili mapasidan-an ug ang espada moabot ug mokuha sa bisan kinsang tawo gikan sa taliwala nila, siya gikuha taliwala sa iyang kasal-anan, apan ang iyang dugo paninglon nako sa kamot sa tigbantay.

Ezequiel 33:8

Kon ako moingon sa daotan, ‘O daotan nga tawo, ikaw mamatay gayod,’ ug ikaw dili mosulti sa pagpasidaan sa tawong daotan aron mobiya sa iyang pamaagi, kanang tawo nga daotan mamatay gayod diha sa iyang kasal-anan, apan ang iyang dugo paninglon nako diha sa imong kamot.

Lucas 11:50

aron ang dugo sa tanang mga propeta, nga naula sukad pa sa pagtukod sa kalibotan, paninglon gikan niining kaliwatan,

Mga Hebreo 7:22

Kini naghimo kang Jesus nga usa ka pasalig sa labaw pa ka maayong kasabotan.