Biblia Todo Logo
Cross References

- Mga paanunsiyo -



Genesis 43:18

Ang Biblia 2011

Ug ang mga tawo nangahadlok kay gidala man sila ngadto sa balay ni Jose ug sila miingon, “Tungod sa salapi nga giuli sa atong mga sako kaniadto, kita gidala nila dinhi aron siya makakaplag ug higayon batok kanato ug himoon kitang mga ulipon ug sakmiton ang atong mga asno.”

Tan-awa ang kapitulo Kopyaha

20 Cross References  

Unya miingon sila sa usa ug usa, “Matuod gayod nga kita nakasala batok sa atong igsoon kay nakita nato ang kapaitan sa iyang kalag sa pagpangaliyupo niya kanato apan wala kita mamati kaniya, tungod niana miabot kanato kining maong kapaitan.”

Ug sa diha nga ang usa kanila miabli sa iyang sako aron sa paghatag ug makaon sa iyang asno didto sa abotanan, nakita niya ang iyang salapi nga diha sa baba sa iyang sako.

Ug miingon siya sa iyang mga igsoon, “Ang akong salapi giuli kanako ug tan-awa, ania pa sa akong sako!” Ug tungod niini gikulbaan sila ug miatubang sa usa ug usa nga nagkurog ug nag-ingon, “Unsa ba kining gibuhat sa Dios kanato?”

Ug sa dihang gihabwaan nila ang ilang mga sako, nakita nila diha sa tagsatagsa nila ka sako ang ilang putos sa salapi. Ug sa diha nga sila ug ang ilang amahan nakakita sa ilang mga putos sa salapi, nangahadlok sila.

Ug gibuhat sa tawo ang gisugo ni Jose ug gipasulod niya ang mga tawo sa balay ni Jose.

Busa miduol sila sa tinugyanan sa balay ni Jose ug sila nakigsulti kaniya didto sa pultahan sa balay,

Tan-awa, ang salapi nga among nakita sa baba sa among mga sako, gibalik namo pagdala kanimo gikan sa yuta sa Canaan. Busa unsaon man namo sa pagkawat ug plata o bulawan gikan sa balay sa imong agalon?

Makahadlok nga mga tingog anaa sa iyang dalunggan; diha sa kauswagan modangat kaniya ang tiglaglag.

Pinaagi sa pagsulod sa usa ka lapad nga lungag miabot sila; taliwala sa pagkagun-ob sila nagpadayon.

Anaa sila sa hilabihang kahadlok, sa kahadlok nga wala pa nila masinati! Kay ang Dios magkatag sa mga bukog niya nga nakigbatok kanimo; pakaulawan nimo sila, tungod kay ang Dios nagsalikway man kanila.

Apan sa diha nga naghunahuna ako unsaon nako sa pagsabot niini, kini daw lisod kaayo alang kanako,

Sa diha nga ang banay ni David gisuginlan, “Ang Siria nakig-abin kang Efraim,” ang iyang kasingkasing ug ang kasingkasing sa iyang katawhan nangurog sama sa kakahoyan sa lasang nga nangurog tungod sa hangin.

Unya ang mga pangulo ug ang mga tinugyanan naninguha sa pagpangita ug kapasikaran alang sa sumbong batok kang Daniel mahitungod sa gingharian, apan sila wala makakita ug kapasikaran alang sa sumbong o sayop kay siya matinumanon man ug walay sayop o kalapasan nga nakita diha kaniya.

Apan sa pagkadungog niini ni Herodes, siya miingon, “Si Juan nga akong gipapunggotan ug ulo nabanhaw.”

Apan ang sala, sa dihang nakakita ug higayon diha sa kasugoan, naghimo sa tanang matang sa pangibog dinhi sa sulod nako. Kay ang sala patay kon wala ang Balaod.

ug magbutangbutang kaniya ug makauulaw nga buhat ug maghatag ug daotang ngalan kaniya nga mag-ingon, ‘Kini gipangasawa nako ug sa diha nga midulog ako kaniya wala nako makaplagi kaniya ang mga ilhanan sa pagkaulay,’

Ug ania karon, siya naghimo ug makauulaw nga pagbutangbutang kaniya nga nag-ingon, “Wala nako makaplagi sa imong anak ang ilhanan sa pagkaulay.” Apan ania ang mga ilhanan sa pagkaulay sa akong anak.’ Ug ilang bukharon ang bisti sa atubangan sa mga kadagkoan sa siyudad.

Ug si Manoa miingon sa iyang asawa, “Kita mangamatay gayod tungod kay kita nakakita sa Dios.”

Ang iyang amahan ug ang iyang inahan wala mahibalo nga kadto gikan sa Ginoo, kay siya nangita ug usa ka higayon batok sa mga Filistihanon. Niadtong panahona ang mga Filistihanon naggahom ibabaw Israel.




Sunda kami:

Mga paanunsiyo


Mga paanunsiyo