Genesis 43:12

Ang Biblia 2011

Pagdala kamo ug duha ka pilo nga salapi ug dad-a pagbalik ang inuli nga salapi diha sa mga baba sa inyong mga sako. Tingali kadto usa ka sayop.

Cross References

Genesis 42:25

Unya si Jose nagsugo nga pun-on ang ilang mga sudlanan sa trigo ug ipauli ang salapi sa matag usa diha sa iyang sako ug hatagan sila ug balon alang sa ilang panaw. Ug kini gibuhat ngadto kanila.

Genesis 42:35

Ug sa dihang gihabwaan nila ang ilang mga sako, nakita nila diha sa tagsatagsa nila ka sako ang ilang putos sa salapi. Ug sa diha nga sila ug ang ilang amahan nakakita sa ilang mga putos sa salapi, nangahadlok sila.

Genesis 43:13

Dad-a usab ninyo ang inyong igsoon ug pangandam kamo ug adto kamo pag-usab niadtong tawhana.

Genesis 43:21

Ug sa pag-abot namo sa abotanan, giablihan namo ang among mga sako, ug nakita ang tagsatagsa namo ka salapi diha sa baba sa iyang sako, ang among salapi nga takdo gayod sa timbang. Ug gidala namo kini pag-usab uban kanamo.

Genesis 43:22

Nagdala usab kami ug lain nga salapi aron sa pagpalit ug pagkaon. Kami wala mahibalo kon kinsa ang nagbutang sa among salapi sa among mga sako.”

Roma 12:17

Ayaw balosi ug daotan ang daotan, buhata hinuon ang maayo sa atubangan sa tanang tawo.

Roma 13:8

Ayaw kamo pangutang ug bisan unsa kang bisan kinsa, gawas sa paghigugma sa usa ug usa, kay ang nahigugma sa iyang isigkatawo nakatuman sa kasugoan.

2 Mga Taga-Corinto 8:21

Kay kami nagtinguha sa unsay maayo dili lamang sa atubangan sa Dios kondili sa atubangan usab sa mga tawo.

Mga Taga-Filipos 4:8

Sa kataposan, mga igsoon, bisan unsang butang nga matuod, bisan unsang butang nga dungganan, bisan unsang butang nga matarong, bisan unsang butang nga putli, bisan unsang butang nga matahom, bisan unsang butang nga maayo ug dungog, kon aduna may labing maayo, kon aduna may pagdayeg, hunahunaa ninyo kining mga butanga.

1 Mga Taga-Tesalonica 4:6

nga walay bisan kinsa nga maglapas ug mamintaha sa iyang igsoon sa bisan unsang butang. Kay ang Ginoo mao ang tigpanimalos mahitungod niining tanan sumala sa among hugot nga gipasidaan ug gipamatud-an kaninyo.

1 Mga Taga-Tesalonica 5:21

sutaa ninyo ang tanang butang, hupti ninyo ang maayo,

Mga Hebreo 13:8

Si Jesu-Cristo mao sa gihapon kagahapon ug karon ug hangtod sa kahangtoran.