Genesis 43:11

Ang Biblia 2011

Unya si Israel nga ilang amahan miingon kanila, “Kon mao na gayod kini, buhata kana ninyo. Pagdala kamo sa labing maayong bunga sulod sa inyong mga sudlanan ug dad-i ninyo kadtong tawo ug usa ka gasa, diyotay nga haplas ug diyotay nga dugos, mga lamas humot nga tagok sa kahoy ug mira, mga pistasio ug mga almendras.

Cross References

Genesis 33:10

Ug si Jacob miingon, “Dili, naghangyo ako kanimo. Kon ako nakakaplag karon ug kahimuot diha sa imong mga mata, dawata ang akong gasa gikan sa akong mga kamot, kay sa pagkatinuod, ang pagkakita nako sa imong nawong, sama sa pagkakita nako sa nawong sa Dios, kay gidawat nimo ako uban ang kahimuot.

Genesis 37:25

Unya nanglingkod sila aron mangaon ug giyahat ang ilang mga mata ug nakita nila ang usa ka panon sa mga Ismaelinhon nga nagpadulong kanila gikan sa Gilead uban ang ilang mga kamilyo nga nagkarga ug mga tagok sa tanom, haplas ug mira nga dad-on nila padulong sa Ehipto.

Genesis 43:10

Kon wala pa unta kami maglangan, nakabalik na unta kami karon sa makaduha.”

Genesis 43:14

Ug ang Dios nga Labing Gamhanan maghatag ug kaluoy kaninyo sa atubangan niadtong tawhana, aron iyang buhian kaninyo ang usa ninyo ka igsoon ug si Benjamin. Kon ako mawad-an sa akong mga anak, ako magbangutan gayod.”

Genesis 43:15

Busa ang mga lalaki mikuha ug gasa, ug gidala nila ang salapi nga duha ka pilo ang gidaghanon ug si Benjamin, ug nangandam sila ug miadto sa Ehipto ug nangatubang sila kang Jose.

Genesis 43:25

ilang giandam ang gasa alang sa pag-abot ni Jose sa udto, kay sila nakadungog nga sila mangaon didto.

Genesis 43:26

Sa dihang miabot na si Jose sa balay, ilang gidala kaniya sa sulod sa balay ang mga gasa nga diha kanila ug miyukbo sila kaniya ngadto sa yuta.

1 Mga Hari 10:15

gawas niadtong gidala sa tigbaligya ug sa mga patigayon sa mga tigpatigayon ug sa tanang mga hari sa Arabia ug sa mga gobernador sa nasod.

1 Mga Hari 10:25

Ug ang matag usa kanila nagdala sa iyang buhis, mga sudlanan nga plata ug bulawan, mga bisti, mga hinagiban, mga panakot, mga kabayo, mga mula, ug nagkadaghan kini matag tuig.

1 Mga Hari 15:19

“Tugoti nga may panag-abin tali kanako ug kanimo, sa akong amahan ug sa imong amahan. Tan-awa, ako nagpadala kanimo ug gasa nga plata ug bulawan. Lakaw, bugtoa ang inyong panag-abin ni Baasa nga hari sa Israel, aron siya mopahawa gikan kanako.”

1 Mga Hari 4:21

Ug si Solomon naghari sa tanang mga gingharian gikan sa Euphrates ngadto sa yuta sa mga Filistihanon ug ngadto sa utlanan sa Ehipto. Sila nagdala ug buhis ug nag-alagad kang Solomon sa tanang mga adlaw sa iyang kinabuhi.

2 Mga Hari 16:8

Gikuha usab ni Ahas ang plata ug ang bulawan nga nakit-an didto sa balay sa Ginoo ug diha sa mga bahandi sa balay sa hari, ug nagpadala ug usa ka gasa ngadto sa hari sa Asiria.

2 Mga Hari 20:12

Niadtong panahona, si Merodak-baladan nga anak ni Baladan ug hari sa Babilonia nagpadala ug mga tawo uban ang mga sulat ug usa ka gasa alang kang Hesekias kay nakadungog siya nga si Hesekias nasakit.

2 Mga Hari 8:8

ang hari miingon kang Hasael, “Pagdala ug gasa ug lakaw aron sugaton ang tawo sa Dios ug pagpakisayod sa Ginoo pinaagi kaniya, nga mag-ingon, ‘Mamaayo ba ako niining sakita?’ ”

Ester 4:16

“Lakaw, tigoma ang tanang mga Judio nga makit-an diha sa Susa, ug paghimo kamo ug pagpuasa alang kanako ug ayaw kamo pagkaon o pag-inom sulod sa tulo ka adlaw, gabii ug adlaw. Ako usab ug ang akong mga sulugoon nga babaye magpuasa sama sa inyong gibuhat. Unya moadto ako sa hari bisan ug supak kini sa balaod, ug kon ako mamatay, mamatay ako.”

Salmo 68:29

Tungod sa imong Templo didto sa Jerusalem, ang mga hari nagdala ug mga gasa nganha kanimo.

Salmo 72:10

Ang mga hari sa Tarsis ug sa mga kapuloan maghatag unta kaniya ug buhis: ang mga hari sa Sheba ug sa Seba magdala unta ug mga gasa!

Salmo 76:11

Pagsaad kamo sa Ginoo nga inyong Dios ug tumana kini; padad-a ug mga gasa ang tanan nga naglibot kaniya, ngadto kaniya nga takos kahadlokan,

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Mga Panultihon 17:18

Ang tawo nga walay panabot maghatag ug panaad, ug mahimong garantiya sa atubangan sa iyang isigkatawo.

Mga Panultihon 18:16

Ang gasa sa usa ka tawo maghimo ug lawak alang kaniya, ug magdala kaniya sa atubangan sa mga dagkong tawo.

Mga Panultihon 19:6

Daghan ang mangita sa kaluoy sa mahinatagon nga tawo, ug ang matag usa higala sa tawo nga manghatag ug mga gasa.

Mga Panultihon 21:14

Ang usa ka gasa sa tago maghupay sa kasuko; ug ang suborno diha sa sabakan, sa hilabihan nga kasuko.

Awit sa mga Awit 4:10

Pagkatam-is sa imong gugma, igsoon ko, akong pangasaw-onon! Pagkamaayo pa sa imong gugma kay sa bino, ug ang kahumot sa imong mga lana kay sa tanang matang sa mga panakot!

Awit sa mga Awit 4:14

nardo ug asafran, kalamo ug kaningag, uban ang tanan nga kahoy sa insenso, mira ug mga aloe, uban ang tanan nga labing maayo nga panakot—

Awit sa mga Awit 8:14

Pagdali, akong hinigugma, ug pagpakasama sa usa ka lagsaw nga laki o sa usa ka batan-ong osa ibabaw sa kabukiran sa mga pahumot!

Jeremias 8:22

Wala bay tambal sa Gilead? Wala bay mananambal didto? Busa ngano man nga wala maulii sa maayong panglawas ang anak nga babaye sa akong katawhan?

Ezequiel 27:15

Ang mga tawo sa Rodes. nakigpatigayon uban kanimo. Daghang mga pulo ang imong kaugalingong baligyaanan. Sila nagdala kanimo ug mga tango sa elepante ug kamagong ingon nga bayad.

Ezequiel 27:17

Ang Juda ug ang yuta sa Israel nakigpatigayon kanimo. Ilang gibayloan ang imong mga baligya sa trigo, mga olibo ug igos, dugos, lana ug balsamo.

Ezequiel 27:22

Ang mga tigpatigayon sa Seba ug Raama nakigpatigayon kanimo. Gibayloan nila ang imong mga baligya sa mga labing maayo sa tanang matang sa panakot ug sa tanang mahalong bato ug bulawan.

Levitico 20:24

Apan ako nag-ingon kaninyo, ‘Kamo makapanunod sa ilang yuta, ug ako maghatag kaninyo niini aron inyong mapanag-iya, usa ka yuta diin nag-agas ang gatas ug dugos.’ Ako mao ang Ginoo nga inyong Dios, nga naglain kaninyo gikan sa mga katawhan.

Mga Buhat 21:14

Ug kay dili man gayod siya madani, mihunong na lamang kami ug miingon, “Ang kabubut-on sa Ginoo maoy matuman.”

Deuteronomio 33:14

sa mga bililhong bunga sa adlaw ug sa dagaya nga abot sa mga bulanbulan,

1 Samuel 25:27

Karon kining gasa nga gidala sa imong sulugoon alang sa akong agalon ihatag ngadto sa mga batan-ong lalaki nga nagsunod sa akong agalon.

1 Samuel 9:7

Unya si Saul miingon sa iyang sulugoon, “Apan kon mangadto kita, unsa may atong dad-on alang sa tawo? Kay ang pan nga ania sa atong mga sudlanan nahurot na, ug walay gasa nga atong madala ngadto sa tawo sa Dios. Unsa may ania kanato?”