Genesis 42:9

Ang Biblia 2011

Ug nahinumdom si Jose sa mga damgo nga iyang gidamgo mahitungod kanila ug siya miingon kanila, “Mga tigpaniid kamo, mianhi kamo aron sa pagpaniid unsay kahuyang sa nasod.”

Cross References

Genesis 37:11

Ug ang iyang mga igsoon nasina kaniya, apan kini nga pulong gitipigan sa iyang amahan diha sa iyang hunahuna.

Genesis 42:16

Sugoa ang usa kaninyo ug ipakuha ang inyong igsoon nga lalaki ug magpabilin kamo sa bilanggoan aron masuta ang inyong mga pulong kon adunay kamatuoran diha kaninyo, kay kon dili, tungod sa kinabuhi sa Paraon kamo mga tigpaniid gayod.”

Genesis 42:34

Ug dad-a ninyo nganhi kanako ang inyong igsoon nga kamanghoran. Unya masayod ako nga kamo dili mga tigpaniid kondili mga tawo nga matinud-anon. Sa ingon niini ihatag nako kaninyo ang inyong igsoon ug magpatigayon kamo sa yuta.’ ”

2 Samuel 10:3

Apan ang mga kadagkoan sa mga Amonihanon miingon kang Hanun nga ilang agalon, “Nagtuo ba ikaw nga tungod kay si David nagpadala ug maghuhupay nganha kanimo, nga siya nagpasidungog sa imong amahan? Wala ba si David magsugo sa iyang mga sulugoon nganhi kanimo aron sa pagsusi sa siyudad ug sa pagpaniid niini, ug sa paggun-ob niini?”

Exodo 32:35

Ug ang Ginoo nagpadala ug katalagman diha ang katawhan kay nagbuhat man sila ug nating baka, ang gibuhat ni Aaron.

Numeros 13:2

“Pagpadala ug mga tawo aron sa pagpaniid sa yuta sa Canaan, nga akong gihatag sa katawhan sa Israel. Gikan sa matag banay sa ilang katigulangan magpadala kamo ug usa ka tawo, ang matag usa pangulo nila.”

Lucas 20:20

Ug ilang gibantayan siya, ug gipaadtoan nila ug mga tigpaniid nga nagpakaaron-ingnon nga matarong aron ilang mabitik siya pinaagi sa iyang isulti, aron ilang itugyan siya ngadto sa kagamhanan ug sa pagbuot sa gobernador.

Mga Hebreo 11:31

Tungod sa pagtuo si Rahab nga nagbaligya sa iyang dungog wala malaglag kauban sa mga dili masinugtanon, kay iya mang gidawat ang mga tigpaniid uban sa kalinaw.

Josue 2:1

Ug si Josue nga anak ni Nun nagsugo sa hilom ug duha ka tawo ingon nga tigpaniid gikan sa Sitim ug miingon, “Panglakaw kamo, tan-awa ang yuta, ilabi na ang Jerico.” Ug sila nanglakaw ug miadto sa balay sa usa ka babaye nga nagbaligya sa iyang dungog nga ginganlan ug Rahab ug mipabilin sila didto.

Josue 6:23

Busa ang mga batan-ong lalaki nga naniid misulod ug gidala sa gawas si Rahab ug ang iyang amahan ug inahan ug mga igsoon ug ang tanan nga iya. Gipagula usab nila ang tanan niyang kabanayan ug gipahimutang sila sa gawas sa kampo sa Israel.

Mga Maghuhukom 1:24

Ug ang mga maniniid nakakita ug usa ka tawo nga migula gikan sa siyudad ug sila miingon kaniya, “Tudloi kami sa agianan ngadto sa siyudad ug magmaluluy-on kami kanimo.”

1 Samuel 26:4

si David nagpadala ug mga tigpaniid ug nakahibalo nga si Saul tinuod gayod nga miabot.