Genesis 42:6

Ang Biblia 2011

Niadtong panahona si Jose maoy gobernador sa yuta, siya mao ang nagbaligya sa pagkaon ngadto sa tanang katawhan sa yuta. Ug ang mga igsoong lalaki ni Jose nangabot, ug miyukbo atubangan kaniya ug ang ilang mga nawong paatubang sa yuta.

Cross References

Genesis 18:2

Giyahat niya ang iyang mga mata, ug mitan-aw siya ug nakita niya nga dihay tulo ka tawo nga nagtindog atbang kaniya, ug sa iyang pagkakita kanila, midagan siya gikan sa pultahan sa iyang tolda aron sa pagtagbo kanila ug siya mihapa sa yuta.

Genesis 19:1

Unya ang duha ka anghel miabot didto sa Sodoma sa pagkagabii ug si Lot naglingkod didto sa ganghaan sa Sodoma. Sa dihang nakita sila ni Lot, mitindog siya sa pagdawat kanila ug mihapa siya sa yuta.

Genesis 33:3

Ug siya mao ang nag-una kanila ug miyukbo siya ngadto sa yuta sa makapito, hangtod nga miabot siya sa iyang igsoon.

Genesis 41:43

Ug gipasakay siya sa ikaduha nga karwahi sa hari ug sila naninggit sa atubangan niya, “Pangluhod kamo.” Ug gipahiluna siya ibabaw sa tibuok nga yuta sa Ehipto.

Genesis 41:54

Ug misugod pag-abot ang pito ka tuig nga gutom sumala sa giingon ni Jose. Ug dihay gutom sa tanan nga kayutaan, apan sa tibuok nga yuta sa Ehipto dihay pagkaon.

Genesis 41:57

Ug ang tibuok kalibotan miadto sa Ehipto aron sa pagpamalit ug trigo gikan kang Jose, kay sa tibuok nga kalibotan milukop na ang gutom.

Genesis 44:14

Sa dihang si Juda ug ang iyang mga igsoon miabot sa balay ni Jose, didto pa siya ug sila mihapa sa yuta sa atubangan niya.

Genesis 45:26

Ug sila misugilon kaniya, “Si Jose buhi pa ug siya mao ang tigmando sa tibuok nga yuta sa Ehipto.” Ug ang iyang kasingkasing naluya, kay siya wala motuo kanila.

Genesis 45:8

Busa dili kamo ang nagpadala kanako dinhi, kondili ang Dios ug siya naghimo kanako nga amahan sa Paraon ug agalon sa tibuok niya nga panimalay ug tigmando sa tibuok nga yuta sa Ehipto.

Genesis 48:12

Ug sila gikuha ni Jose gikan sa iyang mga tuhod ug giyukbo niya ang iyang kaugalingon ngadto sa yuta.

Mga Panultihon 11:26

Ang katawhan magtunglo kaniya nga nagtago ug bugas, apan ang panalangin anaa sa ulo sa mga nagbaligya niini.

Isaias 60:14

Ang mga anak nga lalaki niadtong nagsakit kanimo manganhi nga magyukbo kanimo; ug silang tanan nga nagbiaybiay kanimo mangyukbo diha sa imong tiilan; ikaw tawgon nila nga Siyudad sa Ginoo, ang Zion sa Balaan sa Israel.

Mga Buhat 7:10

ug miluwas kaniya gikan sa tanan niyang mga kasakitan, ug naghatag kaniyag grasya ug kaalam sa atubangan sa Paraon nga hari sa Ehipto nga mihimo kaniya nga gobernador sa Ehipto ug sa tibuok niyang panimalay.

Gipadayag 3:9

Tan-awa, sila nga mga iya sa sinagoga ni Satanas, nga nag-ingon nga sila mga Judio apan dili diay, hinuon namakak, tan-awa, kini sila paanhaon nako ug pahapaon diha sa imong tiilan, ug pailhon nako sila nga ikaw akong gihigugma.

1 Samuel 20:41

Sa paglakaw na sa bata, si David mibarog gikan sa usa ka dapit padulong sa habagatan ug mihapa sa yuta ug miyukbo sa makatulo ug naghinagkanay sila ug naghinilakay sila, apan labaw gayod ang paghilak ni David.