Genesis 42:5

Ang Biblia 2011

Busa ang mga anak ni Israel miadto aron sa pagpalit ug trigo kuyog niadtong uban nga miadto, kay ang gutom miabot sa yuta sa Canaan.

Cross References

Genesis 12:10

Unya dihay gutom sa yuta, ug milugsong si Abram ngadto sa Ehipto sa paglangyaw didto, kay dako ang gutom sa yuta.

Genesis 26:1

Niadtong panahona dihay gutom sa yuta gawas sa unang gutom sa mga adlaw ni Abraham, ug si Isaac miadto sa Gerar ngadto kang Abimelek nga hari sa mga Filistihanon.

Genesis 41:54

Ug misugod pag-abot ang pito ka tuig nga gutom sumala sa giingon ni Jose. Ug dihay gutom sa tanan nga kayutaan, apan sa tibuok nga yuta sa Ehipto dihay pagkaon.

Genesis 41:57

Ug ang tibuok kalibotan miadto sa Ehipto aron sa pagpamalit ug trigo gikan kang Jose, kay sa tibuok nga kalibotan milukop na ang gutom.

2 Samuel 21:1

Niadtong tungora dihay usa ka gutom sa panahon ni David sulod sa tulo ka tuig nga nagsunod-sunod ug si David nagpakitambag sa Ginoo. Ug ang Ginoo miingon, “Adunay kasal-anan si Saul ug ang iyang banay tungod kay iyang gipamatay ang mga Gibeonhanon.”

Mga Buhat 11:28

Ug ang usa kanila nga ginganlan ug Agabos mitindog ug pinaagi sa Espiritu mitagna nga moabot ang usa ka dakong gutom sa tibuok kalibotan. Kini nahitabo sa panahon ni Claudio.

Mga Buhat 7:11

Unya miabot ang gutom ug ang dakong kasakit sa tibuok Ehipto ug Canaan, ug ang atong mga katigulangan wala makakaplag ug pagkaon.