Genesis 42:4

Ang Biblia 2011

Apan si Benjamin nga igsoon ni Jose wala ipadala ni Jacob uban sa iyang mga igsoon kay nahadlok siya nga may moabot kaniya nga kadaot.

Cross References

Genesis 11:4

Unya miingon sila, “Dali, magbuhat kita alang kanato ug usa ka siyudad ug usa ka tore nga ang tumoy mosangko sa langit, ug magbuhat kita alang kanato ug usa ka ngalan kay tingali unya ug nagkatibulaag kita sa tibuok kalibotan.”

Genesis 3:22

Ug ang Ginoong Dios miingon, “Tan-awa, ang tawo nahimo nga sama sa usa kanato, nahibalo sa maayo ug sa daotan. Ug karon tingali unya ug mokab-ot siya ug mokuha usab gikan sa kahoy sa kinabuhi ug mokaon, ug mabuhi hangtod sa kahangtoran.”

Genesis 35:24

Ang mga anak ni Raquel: si Jose ug si Benjamin.

Genesis 42:3

Busa ang napulo ka igsoon ni Jose miadto sa Ehipto aron sa pagpalit ug trigo gikan didto.

Genesis 42:38

Apan siya miingon, “Dili molugsong uban kaninyo ang akong anak kay ang iyang igsoon patay na ug siya na lamang ang nahibilin. Ug kon mahitabo kaniya ang kadaot sa dalan nga inyong laktan, kamo naghatod sa ubanon nakong ulo nga puno sa kasakit ngadto sa Sheol.”

Genesis 43:14

Ug ang Dios nga Labing Gamhanan maghatag ug kaluoy kaninyo sa atubangan niadtong tawhana, aron iyang buhian kaninyo ang usa ninyo ka igsoon ug si Benjamin. Kon ako mawad-an sa akong mga anak, ako magbangutan gayod.”

Genesis 43:29

Ug sa dihang giyahat niya ang iyang mga mata nakita niya si Benjamin nga iyang igsoon nga anak sa iyang inahan ug miingon, “Mao ba kini ang inyong igsoon nga kamanghoran nga inyong gisugilon kanako? Ang Dios maluoy kanimo, akong anak.”