Genesis 42:36

Ang Biblia 2011

Unya ang ilang amahan nga si Jacob miingon kanila, “Gikuha ninyo kanako ang akong mga anak. Si Jose wala na ug si Simeon wala na usab ug si Benjamin dad-on ninyo. Kining tanan miabot kanako.”

Cross References

Genesis 42:37

Busa si Ruben misulti sa iyang amahan nga nag-ingon, “Patya ang akong duha ka anak nga lalaki kon siya dili nako ibalik kanimo. Itugyan siya sa akong kamot ug siya ibalik nako kanimo.”

Genesis 43:14

Ug ang Dios nga Labing Gamhanan maghatag ug kaluoy kaninyo sa atubangan niadtong tawhana, aron iyang buhian kaninyo ang usa ninyo ka igsoon ug si Benjamin. Kon ako mawad-an sa akong mga anak, ako magbangutan gayod.”

Genesis 44:12

Ug gipangita niya sugod sa kamagulangan ug natapos sa kamanghoran. Ug ang kupa nakit-an sa sako ni Benjamin.

Genesis 45:28

Unya si Israel miingon, “Igo na kini, si Jose nga akong anak buhi pa diay, ako moadto ug motan-aw kaniya sa dili pa ako mamatay.”

Genesis 47:12

Ug si Jose nagsangkap ug pagkaon sa iyang amahan ug sa iyang mga igsoon ug sa tanan sa panimalay sa iyang amahan sumala sa ilang mga banay.

Job 7:7

“Hinumdomi nga ang akong kinabuhi usa ka gininhawa; ang akong mata dili na gayod makakita ug maayo.

Salmo 34:19

Daghan ang mga kagul-anan sa matarong; apan ang Ginoo magluwas kaniya gikan nianang tanan.

Ecclesiastes 7:8

Labawng maayo ang kataposan sa usa ka butang kay sa sinugdan niini; ug ang mapailobon diha sa espiritu maayo pa kay sa mapahitas-on diha sa espiritu.

Isaias 27:9

Tungod niini ang kasal-anan ni Jacob pasayloon, ug kini mao ang kinatibuk-an nga bunga sa pagkuha sa iyang sala, sa diha nga mahimo niya ang tanang mga bato sa mga halaran sama sa mga bato nga anapog nga gipulpog, wala nay mga Asera o mga halaran sa insenso nga magpabiling magtindog.

Isaias 38:10

Ako miingon: Sa kaudtohon sa akong mga adlaw kinahanglang mobiya ako; moadto ako sa mga ganghaan sa Sheol sa nahibilin nakong katuigan.

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Jeremias 31:15

Mao kini ang giingon sa Ginoo, “Usa ka tingog nadungog didto sa Rama, pagbangutan ug hilabihang paghilak. Si Raquel naghilak tungod sa iyang mga anak; nagdumili siya nga mahupay tungod sa iyang mga anak, kay sila wala na man.”

Mateo 14:31

Dihadiha gituy-od ni Jesus ang iyang kamot ug iyang gikuptan si Pedro ug giingnan, “O tawong gamay ug pagtuo, nganong nagduhaduha man ikaw?”

Roma 8:28

Kita nasayod nga diha sa tanang butang ang Dios nagbuhat sa maayo ngadto kanila nga mga nahigugma kaniya ug mga tinawag sumala sa iyang katuyoan.

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

1 Mga Taga-Corinto 10:13

Walay pagsulay nga miabot kaninyo nga wala masinati sa tawo. Ang Dios kasaligan, ug dili niya itugot nga kamo sulayon labaw sa inyong masarangan, apan uban sa pagsulay siya magtagana usab ug lutsanan, aron makasugakod kamo niini.

2 Mga Taga-Corinto 4:17

Kay kining gaan ug lumalabay nga kasakit modangat ngadto sa hilabihan gayod kadako ug walay sukod nga gibug-aton sa himaya alang kanamo,

1 Samuel 27:1

Si David miingon diha sa iyang kasingkasing, “May adlaw ra nga mahanaw ako pinaagi sa kamot ni Saul; wala nay maayo pa alang kanako gawas nga moikyas ako ngadto sa yuta sa mga Filistihanon. Unya si Saul mawad-an ug paglaom sa pagpangita kanako sa sulod sa mga utlanan sa Israel, ug makalingkawas ako gikan sa iyang kamot.”