Genesis 42:22

Ang Biblia 2011

Ug si Ruben mitubag kanila, “Wala ba ako magsulti kaninyo, ‘Ayaw kamo pagpakasala batok sa bata?’ Apan wala gayod kamo mamati. Busa karon, ang iyang dugo gipaningil na.”

Cross References

Genesis 4:10

Ug ang Ginoo miingon, “Unsa man ang imong gibuhat? Ang tingog sa dugo sa imong igsoon nagtuaw kanako gikan sa yuta.

Genesis 42:23

Ug sila wala mahibalo nga si Jose nakasabot kanila kay dihay tighubad uban kanila.

Genesis 45:3

Ug si Jose miingon sa iyang mga igsoon, “Ako mao si Jose, buhi pa ba ang akong amahan?” Apan ang iyang mga igsoon wala makatubag kaniya kay sila nangalisang sa iyang atubangan.

Genesis 50:15

Sa dihang nakaamgo ang mga igsoon ni Jose nga ang ilang amahan patay na, miingon sila, “Tingali ug dumtan kita ni Jose ug iyang pabayran kanato ang tanang mga kadaotan nga atong gibuhat kaniya.”

1 Mga Hari 2:32

Ug ang Ginoo mopasumbalik sa iyang mga dugoong buhat ngadto sa iyang kaugalingong ulo, tungod kay sa walay pagpahibalo sa akong amahan nga si David, gipatay niya ang duha ka tawo nga matarong ug maayo kay kaniya, nga mao si Abner nga anak ni Ner nga tigmando sa kasundalohan sa Israel ug si Amasa nga anak ni Jeter nga tigmando sa kasundalohan sa Juda.

1 Mga Hari 2:33

Busa paninglon ang ilang dugo diha sa ulo ni Joab ug diha sa ulo sa iyang kaliwatan sa walay kataposan. Apan ngadto kang David ug sa iyang kaliwatan ug sa iyang balay ug sa iyang trono, may kalinaw gikan sa Ginoo hangtod sa kahangtoran.”

2 Cronicas 24:22

Busa si Joas nga hari wala mahinumdom sa kaayo nga gipakita kaniya ni Jehoiada nga amahan ni Zacarias, apan gipatay ang iyang anak. Ug sa dayong pagkamatay niya, siya miingon, “Ang Ginoo makakita unta niini ug manimalos!”

Salmo 9:12

Kay siya nga manimalos tungod sa dugo mahinumdom kanila; siya dili malimot sa pagtuaw sa mga sinakit.

Ezequiel 3:18

Kon ako moingon ngadto sa daotan, ‘Ikaw mamatay gayod,’ ug ikaw wala maghatag kaniya ug pasidaan o magsulti sa pagbadlong sa daotan gikan sa ngil-ad niyang dalan aron pagluwas sa iyang kinabuhi, ang maong tawo nga daotan mamatay sa iyang kasal-anan, apan ang iyang dugo paninglon nako diha sa imong kamot.

Lucas 23:41

Kining atong kahimtang makatarunganon gayod kay kita nagdawat man sa angay nga balos sa atong mga binuhatan, apan kining tawhana walay nabuhat nga daotan.”

Mga Buhat 28:4

Sa pagkakita sa mga lumad sa bitin nga nagbitay sa iyang kamot, sila miingon sa usa ug usa, “Sa walay duhaduha kining tawhana mamumuno. Ug bisan tuod nakalingkawas siya gikan sa dagat, ang hustisya wala motugot nga mabuhi siya.”

Roma 2:15

Sila nagpakita nga ang buhat sa Balaod nasulat diha sa ilang kasingkasing, ug ang ilang tanlag usab nagpamatuod niini, ug ang ilang nagkasumpaki nga hunahuna magtulisok o maglaban kanila

Gipadayag 13:10

Kon adunay bihagonon, sa pagkabihag mahiadto siya; kon adunay patyonon pinaagi sa espada, pinaagi sa espada patyon gayod siya. Mao kini ang paglahutay ug pagtuo sa mga balaan.

Gipadayag 16:9

Ug ang katawhan nangapaig sa hilabihang kainit, ug nagpasipala sila sa ngalan sa Dios nga may gahom sa ibabaw niining mga katalagman ug wala sila maghinulsol o maghatag kaniya ug himaya.

1 Samuel 19:4

Si Jonatan misulti ug maayo mahitungod kang David ngadto kang Saul nga iyang amahan ug miingon kaniya, “Ayaw itugot nga magpakasala ang hari batok sa iyang alagad nga si David, tungod kay siya wala makasala batok kanimo ug tungod kay ang iyang mga buhat maayo kaayo nganha kanimo.