Genesis 42:20

Ang Biblia 2011

Ug dad-a ninyo dinhi kanako ang inyong igsoon nga kamanghoran. Sa ingon niana, masuta ang inyong mga pulong ug dili kamo mangamatay.” Ug gibuhat nila kini.

Cross References

Genesis 44:23

Unya ikaw miingon sa imong mga ulipon, ‘Kon ang inyong kamanghoran dili makaanhi uban kaninyo, dili na gayod kamo makakita sa akong nawong.’

Genesis 43:5

Apan kon dili nimo siya ipadala, dili kami mangadto kay ang tawo miingon kanamo, ‘Dili kamo makakita sa akong nawong gawas kon ang inyong igsoon uban kaninyo.’ ”

Genesis 42:34

Ug dad-a ninyo nganhi kanako ang inyong igsoon nga kamanghoran. Unya masayod ako nga kamo dili mga tigpaniid kondili mga tawo nga matinud-anon. Sa ingon niini ihatag nako kaninyo ang inyong igsoon ug magpatigayon kamo sa yuta.’ ”

Genesis 42:15

Tungod niini sulayan kamo, tungod sa kinabuhi sa Paraon, dili kamo makabiya dinhi gawas kon moanhi ang inyong kamanghoran nga igsoon.

Juan 2:5

Ug ang iyang inahan miingon sa mga sulugoon, “Unsa ang iyang isulti kaninyo, buhata ninyo.”

Genesis 43:19

Busa miduol sila sa tinugyanan sa balay ni Jose ug sila nakigsulti kaniya didto sa pultahan sa balay,

Genesis 42:26

Unya ilang gikarga ang ilang trigo sa ilang mga asno ug mibiya sila gikan didto.

Genesis 6:22

Ug kini gibuhat ni Noe, gibuhat niya ang tanan nga gisugo sa Dios kaniya.

Genesis 42:19

Kon kamo mga tawo nga matinud-anon, ibilin ang usa sa inyong mga igsoon ingon nga binilanggo sa balay nga gibutangan kaninyo. Apan panglakaw kamo ug pagdala kamo ug trigo alang sa kagutom sa inyong mga panimalay.

Genesis 42:33

Ug ang tawo, ang agalon sa yuta miingon kanamo, ‘Niini masuta nako kon kamo mga tawo nga matinud-anon: ibilin ninyo kanako ang usa sa inyong mga igsoon, ug pagdala kamo ug pagkaon alang sa gutom sa inyong mga panimalay, ug panglakaw kamo.

Genesis 44:21

Ug ikaw miingon sa imong mga ulipon, ‘Dad-a siya nganhi kanako aron ako makakita kaniya.’

Genesis 43:3

Apan si Juda miingon kaniya, “Ang tawo nagpahayag gayod kanamo nga nag-ingon, ‘Dili na kamo makakita sa akong nawong gawas kon ang inyong igsoon nga lalaki uban kaninyo.’