Genesis 42:16

Ang Biblia 2011

Sugoa ang usa kaninyo ug ipakuha ang inyong igsoon nga lalaki ug magpabilin kamo sa bilanggoan aron masuta ang inyong mga pulong kon adunay kamatuoran diha kaninyo, kay kon dili, tungod sa kinabuhi sa Paraon kamo mga tigpaniid gayod.”

Cross References

Genesis 42:11

Kaming tanan mga anak sa usa ka tawo. Kami mga tawo nga matinud-anon, ang imong mga ulipon dili gayod mga tigpaniid.”

Genesis 42:30

“Ang tawo, ang agalon sa yuta, nagsulti kanamo nga walay kalumo ug kami gipasanginlan niya nga mga tigpaniid niadtong yutaa.

2 Samuel 10:3

Apan ang mga kadagkoan sa mga Amonihanon miingon kang Hanun nga ilang agalon, “Nagtuo ba ikaw nga tungod kay si David nagpadala ug maghuhupay nganha kanimo, nga siya nagpasidungog sa imong amahan? Wala ba si David magsugo sa iyang mga sulugoon nganhi kanimo aron sa pagsusi sa siyudad ug sa pagpaniid niini, ug sa paggun-ob niini?”

Josue 2:1

Ug si Josue nga anak ni Nun nagsugo sa hilom ug duha ka tawo ingon nga tigpaniid gikan sa Sitim ug miingon, “Panglakaw kamo, tan-awa ang yuta, ilabi na ang Jerico.” Ug sila nanglakaw ug miadto sa balay sa usa ka babaye nga nagbaligya sa iyang dungog nga ginganlan ug Rahab ug mipabilin sila didto.