Genesis 41:54

Ang Biblia 2011

Ug misugod pag-abot ang pito ka tuig nga gutom sumala sa giingon ni Jose. Ug dihay gutom sa tanan nga kayutaan, apan sa tibuok nga yuta sa Ehipto dihay pagkaon.

Cross References

Genesis 41:27

Ug ang pito ka baka nga niwang ug ngil-ad nga mikawas sunod niini nagkahulogan ug pito ka tuig, ug ang pito ka uhay nga walay unod ug nalawos tungod sa hangin sa silangan nagkahulogan ug pito ka tuig nga gutom.

Genesis 41:30

Apan human niana moabot ang pito ka tuig nga gutom ug ang tanan nga kadagaya malimtan sa yuta sa Ehipto ug ang gutom mout-ot sa yuta.

Genesis 41:53

Ug natapos ang pito ka tuig sa kadagaya didto sa yuta sa Ehipto.

Genesis 42:2

Ug siya miingon, “Nakadungog ako nga sa Ehipto adunay trigo. Pangadto kamo ug pamalit kamo ug pagkaon didto alang kanato aron kita mabuhi ug dili mangamatay.”

Genesis 43:1

Ug ang gutom hilabihan ka dako didto sa yuta.

Genesis 45:11

Ug didto ako magsangkap kanimo kay may nahibilin pa nga lima ka tuig sa gutom, tingali unya ug mahutdan ikaw ug ang imong panimalay ug ang tanan nga imo.” ’

Genesis 47:13

Ug wala nay pagkaon sa tibuok nga yuta kay ang gutom hilabihan ka dako, nga tungod niana nag-antos ang yuta sa Ehipto ug ang yuta sa Canaan tungod sa gutom.

2 Mga Hari 8:1

Si Eliseo miingon ngadto sa babaye nga ang anak iyang gibanhaw, “Tindog ug biya uban sa imong panimalay ug puyo sa bisan diin nga imong mapuy-an kay ang Ginoo nagpatawag ug usa ka gutom ug moabot kini sa yuta sulod sa pito ka tuig.”

Salmo 105:16

Sa dihang mitawag siya ug gutom ibabaw sa yuta, ug gibali ang tanang tukod sa pan,

Mga Buhat 7:11

Unya miabot ang gutom ug ang dakong kasakit sa tibuok Ehipto ug Canaan, ug ang atong mga katigulangan wala makakaplag ug pagkaon.