Genesis 41:51

Ang Biblia 2011

Ug gitawag ni Jose ang ngalan sa iyang kamagulangan ug Manases kay matod niya, “Gipalimtan sa Dios kanako ang tanan kong kalisdanan ug ang tibuok nga panimalay sa akong amahan.”

Cross References

Genesis 41:30

Apan human niana moabot ang pito ka tuig nga gutom ug ang tanan nga kadagaya malimtan sa yuta sa Ehipto ug ang gutom mout-ot sa yuta.

Genesis 41:50

Ug nangatawo kang Jose ang duha ka anak nga lalaki sa wala pa moabot ang tuig sa gutom. Sila gipanganak kaniya ni Asenat, nga anak ni Potifera nga pari sa On.

Genesis 41:52

Ug ang ikaduha ginganlan niya ug Efraim, “Kay ang Dios naghimo kanako nga mabungahon diha sa yuta sa akong kasakitan.”

Genesis 48:1

Human niini si Jose giingnan, “Tan-awa, nasakit ang imong amahan.” Ug iyang gidala uban kaniya ang iyang duha ka anak nga lalaki nga si Manases ug si Efraim.

Genesis 48:5

Ug karon ang imong duha ka anak nga lalaki nga nangatawo kanimo sa yuta sa Ehipto sa wala pa ako moanhi kanimo dinhi sa Ehipto, akoa sila. Si Efraim ug si Manases maakoa sama kang Ruben ug kang Simeon.

Job 11:16

Malimtan nimo ang imong kaalaot; mahinumdoman nimo kini sama sa tubig nga milabay na.

Salmo 30:11

Ang akong pagbangutan gihimo nimo nga pagsayaw; gihukas nimo ang akong bisti nga sako ug gibaksan nimo ako sa kalipay,

Salmo 30:5

Kay ang iyang kasuko makadiyot lamang, ug ang iyang kaluoy alang sa tibuok kinabuhi. Ang paghilak mopabilin sa kagabhion, apan ang kalipay moabot uban sa kabuntagon.

Salmo 45:10

Pamati, O anak nga babaye, pamalandong ug ikiling ang imong igdulungog; kalimti ang imong katawhan ug ang balay sa imong amahan,

Mga Panultihon 31:7

paimna sila, ug malimtan nila ang ilang kakabos, ug dili na mahinumdom sa ilang pagkamakaluluoy.

Isaias 57:16

Kay ako dili makigbatok hangtod sa kahangtoran, o kanunay nga masuko; kay gikan man kanako ang espiritu, ug ako ang naghimo sa gininhawa sa kinabuhi.

Isaias 65:16

Sa ingon niana, siya nga nagpanalangin sa iyang kaugalingon diha sa yuta magpanalangin sa iyang kaugalingon diha sa Dios sa kamatuoran, ug siya nga maghimo ug panaad diha sa yuta manumpa pinaagi sa Dios sa kamatuoran, tungod kay ang unang mga kalisdanan nalimtan na, ug gitago gikan sa akong mga mata.

Numeros 26:28

Ang mga anak ni Jose sumala sa ilang mga panimalay: si Manases ug si Efraim.

Deuteronomio 33:17

Ang iyang kahalangdon sama sa kamagulangan sa torong baka ug ang iyang mga sungay mga sungay sa baka nga ihalas; pinaagi niini itulod niya ang katawhan, ang tanan ngadto sa mga kinatumyan sa kalibotan; kini sila mao ang napulo ka libo ni Efraim, ug kini sila mao ang mga linibo ni Manases.”

Josue 14:4

Kay ang mga katawhan ni Jose may duha ka banay, Manases ug Efraim. Ug walay bahin sa yuta nga gihatag ngadto sa mga Levihanon kondili mga siyudad nga ilang kapuy-an uban ang mga pasibsibanan sa ilang mga baka ug alang sa ilang kabuhian.

Josue 17:1

Unya gihimo ang pagbahin ngadto sa banay ni Manases kay siya mao ang kamagulangan nga anak ni Jose. Ngadto kang Makir nga amahan ni Gilead ug mao ang kamagulangan ni Manases gihatag ang Gilead ug ang Basan tungod kay siya tawo nga manggugubat.

1 Samuel 1:20

Sa pag-abot sa tukmang panahon, si Hana nanamkon ug nanganak ug usa ka batang lalaki nga ginganlan niya ug Samuel, tungod kay siya miingon, “Gipangayo nako kining bataa sa Ginoo.”