Genesis 41:43

Ang Biblia 2011

Ug gipasakay siya sa ikaduha nga karwahi sa hari ug sila naninggit sa atubangan niya, “Pangluhod kamo.” Ug gipahiluna siya ibabaw sa tibuok nga yuta sa Ehipto.

Cross References

Genesis 41:42

Unya gikuha sa Paraon ang singsing nga silyo gikan sa iyang kamot ug gisul-ob kini sa kamot ni Jose ug gibistihan siya sa mga panapton nga pinong lino ug gibutangan siya ug usa ka kuwentas nga bulawan sa iyang liog.

Genesis 41:44

Dugang pa ang Paraon miingon kang Jose, “Ako mao ang Paraon, walay tawo nga makaisa sa iyang kamot o sa iyang tiil sa tibuok nga yuta sa Ehipto kon walay pagtugot nimo.”

Genesis 42:30

“Ang tawo, ang agalon sa yuta, nagsulti kanamo nga walay kalumo ug kami gipasanginlan niya nga mga tigpaniid niadtong yutaa.

Genesis 42:33

Ug ang tawo, ang agalon sa yuta miingon kanamo, ‘Niini masuta nako kon kamo mga tawo nga matinud-anon: ibilin ninyo kanako ang usa sa inyong mga igsoon, ug pagdala kamo ug pagkaon alang sa gutom sa inyong mga panimalay, ug panglakaw kamo.

Genesis 42:6

Niadtong panahona si Jose maoy gobernador sa yuta, siya mao ang nagbaligya sa pagkaon ngadto sa tanang katawhan sa yuta. Ug ang mga igsoong lalaki ni Jose nangabot, ug miyukbo atubangan kaniya ug ang ilang mga nawong paatubang sa yuta.

Genesis 45:26

Ug sila misugilon kaniya, “Si Jose buhi pa ug siya mao ang tigmando sa tibuok nga yuta sa Ehipto.” Ug ang iyang kasingkasing naluya, kay siya wala motuo kanila.

Genesis 45:8

Busa dili kamo ang nagpadala kanako dinhi, kondili ang Dios ug siya naghimo kanako nga amahan sa Paraon ug agalon sa tibuok niya nga panimalay ug tigmando sa tibuok nga yuta sa Ehipto.

Genesis 50:18

Ug nangadto usab ang iyang mga igsoong lalaki ug mihapa sa atubangan niya ug miingon, “Tan-awa, kami mga sulugoon nimo.”

Genesis 50:9

Mitungas usab uban kaniya ang mga karwahi, ug ang mga tigkabayo. Ug kini nahimo nga usa ka panon nga hilabihan ka dako.

Ester 10:3

Kay si Mardoqueo nga Judio luyoluyo ni Hari Ahasuero, ug bantogan taliwala sa mga Judio, ug gikahimut-an sa daghan niyang mga kaigsoonan kay nagtinguha siya sa kaayohan sa iyang katawhan ug nagsulti sa pakigdait sa tanan niyang katawhan.

Ester 3:2

Ug ang tanang mga alagad sa hari nga didto sa ganghaan sa hari miyukbo ug mitahod kang Haman kay ang hari nagsugo sa ingon mahitungod kaniya. Apan si Mardoqueo wala moyukbo o motahod kaniya.

Ecclesiastes 4:14

bisan ug gikan siya sa bilanggoan ug miabot sa trono, o diha sa kaugalingon niyang gingharian natawo siya nga kabos.

Daniel 2:48

Unya ang hari naghatag kang Daniel ug pagpasidungog ug daghang mga dagkong gasa ug naghimo kaniya nga tinugyanan sa tibuok lalawigan sa Babilonia ug labawng tigdumala sa tanang mga maalamong tawo sa Babilonia.

Mga Buhat 7:10

ug miluwas kaniya gikan sa tanan niyang mga kasakitan, ug naghatag kaniyag grasya ug kaalam sa atubangan sa Paraon nga hari sa Ehipto nga mihimo kaniya nga gobernador sa Ehipto ug sa tibuok niyang panimalay.

Mga Taga-Filipos 2:10

aron nga diha sa ngalan ni Jesus ang tanang tawo moluhod didto sa langit, dinhi sa yuta ug sa ilalom sa yuta,