Genesis 41:42

Ang Biblia 2011

Unya gikuha sa Paraon ang singsing nga silyo gikan sa iyang kamot ug gisul-ob kini sa kamot ni Jose ug gibistihan siya sa mga panapton nga pinong lino ug gibutangan siya ug usa ka kuwentas nga bulawan sa iyang liog.

Cross References

Genesis 38:18

Unya siya miingon, “Unsa bang pasaliga ang ihatag nako kanimo?” Ug siya mitubag, “Ang imong silyo ug ang imong higot niini ug ang imong sungkod nga anaa sa imong kamot.” Ug gihatag kini niya, ug siya midulog kaniya, ug siya nagsamkon pinaagi kaniya.

Genesis 41:43

Ug gipasakay siya sa ikaduha nga karwahi sa hari ug sila naninggit sa atubangan niya, “Pangluhod kamo.” Ug gipahiluna siya ibabaw sa tibuok nga yuta sa Ehipto.

Ester 10:3

Kay si Mardoqueo nga Judio luyoluyo ni Hari Ahasuero, ug bantogan taliwala sa mga Judio, ug gikahimut-an sa daghan niyang mga kaigsoonan kay nagtinguha siya sa kaayohan sa iyang katawhan ug nagsulti sa pakigdait sa tanan niyang katawhan.

Ester 3:10

Busa ang hari mikuha sa iyang singsing gikan sa iyang kamot ug gihatag kini kang Haman nga Agaghanon nga anak ni Hamedata, ang kaaway sa mga Judio.

Ester 3:12

Unya ang mga sekretaryo sa hari gipatawag sa ikanapulo ug tulo nga adlaw sa unang bulan ug ang usa ka balaod sumala sa tanan nga gisugo ni Haman gisulat ngadto sa mga tinugyanan sa hari, ug ngadto sa mga gobernador nga diha sa tanang lalawigan, ug sa mga pangulo sa tanang mga katawhan, sa matag lalawigan diha sa kaugalingon niining sinulatan ug sa matag katawhan diha sa kaugalingon niining pinulongan. Gisulat kini sa ngalan ni Hari Ahasuero ug gisilyohan sa singsing sa hari.

Ester 8:10

Ang sinulat gihimo diha sa ngalan ni Hari Ahasuero, ug gisilyohan sa singsing sa hari, ug gipadala ang mga sulat pinaagi sa mga sinugo nga nagkabayo sa mga tulin nga mga kabayo nga gigamit sa pag-alagad sa hari gikan sa mga kabayo sa hari.

Ester 8:15

Unya si Mardoqueo migula gikan sa atubangan sa hari diha sa harianong bisti nga asul ug puti, uban sa usa ka dakong korona nga bulawan ug usa ka kupo nga pinong lino ug mahalong panapton nga tapol samtang ang siyudad sa Susa nagsinggit ug naglipay.

Ester 8:2

Unya gikuha sa hari ang singsing nga iyang gikuha kang Haman ug gihatag kini kang Mardoqueo. Busa gipahimutang ni Ester si Mardoqueo sa balay ni Haman.

Ester 8:8

Ug mahimong magsulat kamo sumala sa makapahimuot kaninyo mahitungod sa mga Judio sa ngalan sa hari, ug silyohi kini sa singsing sa hari kay ang balaod nga nasulat sa ngalan sa hari ug gisilyohan sa singsing sa hari dili mabakwi.”

Salmo 73:6

Busa ang garbo mao ang ilang kuwentas; ang pagpanglupig nagtabon kanila sama sa usa ka bisti.

Mga Panultihon 1:9

kay kini usa ka purongpurong nga bulak alang sa imong ulo ug mga kuwentas alang sa imong liog.

Mga Panultihon 31:22

Siya nagbuhat ug mga hapin sa higdaanan alang sa iyang kaugalingon; ang iyang bisti pino nga lino ug mahalong panapton nga tapol.

Mga Panultihon 31:24

Siya nagbuhat ug mga bisti nga lino ug nagbaligya niini; siya naghatod ug mga bakos ngadto sa tigpatigayon.

Awit sa mga Awit 1:10

Ang imong mga aping matahom uban sa mga dayandayan, ang imong liog gidayandayanan ug mga alahas.

Awit sa mga Awit 4:9

Ang akong kasingkasing imong gibihag, igsoon ko, akong pangasaw-onon, gibihag nimo ang akong kasingkasing uban sa pasiplat sa imong mga mata, sa usa ka mahalong bato sa imong kuwentas.

Isaias 3:23

ang sihag nga mga panapton, ang mga bisting lino, ang mga turban ug ang mga pandong.

Jeremias 52:33

Busa gihubo ni Jehoiakin ang iyang mga bisti sa bilanggoan. Sa matag adlaw sa iyang kinabuhi siya mokaon kanunay diha sa lamisa sa hari.

Ezequiel 27:7

Pinong lino nga binurdahan gikan sa Ehipto ang imong layag, ingon nga imong bandila; ang asul ug tapol gikan sa mga pulo sa Elisa mao ang imong tolda.

Daniel 5:16

Apan ako nakadungog nga ikaw makahatag ug mga hubad ug makasulbad sa mga suliran. Karon kon ikaw makabasa sa sinulat ug makapadayag kanako sa hubad niini, sul-oban ikaw ug mahalong bisti nga tapol ug makaangkon ug kuwentas nga bulawan sa imong liog ug mahimo nga ikatulong tinugyanan sa gingharian.”

Daniel 5:29

Unya nagsugo si Belsasar, ug si Daniel gisul-oban sa mahalong bisti nga tapol, sa kuwentas nga bulawan diha sa iyang liog ug ang pahibalo gihimo mahitungod kaniya, nga siya mahimong ikatulo nga tinugyanan sa gingharian.

Daniel 5:7

Ang hari misinggit ug kusog aron pasudlon ang mga tigpanglamat, ang mga Caldeanhon ug ang mga tigpanagna pinaagi sa mga bituon. Ang hari misulti sa mga maalamong tawo sa Babilonia, “Si bisan kinsa nga makabasa niining sinulat ug makapadayag kanako sa hubad niini, sul-oban ug mahalong bisti nga tapol, makaangkon ug kuwentas nga bulawan sa iyang liog, ug mahimong ikatulong tinugyanan sa gingharian.”

Lucas 15:22

Apan ang amahan miingon sa iyang mga sulugoon, ‘Dad-a pagdali ang labing maayong bisti ug isul-ob kini kaniya, ug butangig singsing ang iyang kamot ug sapatosi ang iyang mga tiil.

1 Samuel 18:4

Ug si Jonatan mihukas sa iyang kupo nga diha kaniya ug gihatag kini kang David, ug ang iyang hinagiban lakip ang iyang espada ug ang iyang pana, ug ang iyang bakos.