Genesis 41:32

Ang Biblia 2011

Ug tungod niini ang damgo gihimo sa makaduha nganha sa Paraon tungod kay ang maong butang gitakda sa Dios ug nga ang Dios maghimo niini sa dili madugay.

Cross References

Genesis 37:7

Nakita nako nga nagbugkos kita ug mga inani didto sa uma, ug ang akong binugkos mitindog ug mituy-od, ug ang inyong mga binugkos mialirong ug miyukbo sa akong binugkos.”

Genesis 37:9

Unya nagdamgo na usab siya ug lain pang damgo ug gisugilon niya kini sa iyang mga igsoon, “Paminaw, nagdamgo ako ug lain na usab nga damgo. Nakita nako nga ang adlaw ug ang bulan ug ang napulo ug usa ka bituon nangyukbo kanako.”

Genesis 41:25

Unya si Jose miingon sa Paraon, “Ang damgo sa Paraon usa lamang. Ang Dios nagpadayag ngadto sa Paraon sa angay niyang buhaton.

Genesis 41:28

Sama sa ako nang gisulti sa Paraon, ang Dios nagpadayag sa Paraon sa angay niyang buhaton.

Genesis 41:31

Ug kadtong kadagaya dili na mahinumdoman tungod sa gutom nga mosunod nga hilabihan gayod.

Isaias 30:33

Kay dugay na nga giandam ang usa ka dapit nga nagdilaab, alang sa hari kini giandam. Kini gihimo niya nga lalom ug dako, pinaagi sa kalayo ug daghang kahoy. Ang gininhawa sa Ginoo, sama sa usa ka sapa nga asupre, naghaling niini.

Daniel 2:45

Ingon sa imong nakita nga ang bato gisapsap sa dili kamot sa tawo gikan sa usa ka bukid ug nga kini nagdugmok sa puthaw, sa bronsi, sa yutang kulonon, sa plata, ug sa bulawan. Ang gamhanan nga Dios nagpahibalo sa hari unsa ang mahitabo sa kaulahian. Ang damgo siguro gayod ug ang hubad niini dili kaduhaduhaan.”

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Mateo 24:35

Ang langit ug ang yuta mahanaw, apan ang akong mga pulong dili gayod mahanaw.

Mateo 25:34

Unya ang Hari moingon kanila nga diha sa iyang tuo, ‘Duol ngari, kamong mga dinayeg sa akong Amahan, dawata ninyo ang gingharian nga gitagana alang kaninyo sukad pa sa pagkatukod sa kalibotan.

Mateo 25:41

“Unya ang Hari moingon kanila nga diha sa iyang wala, ‘Pahawa gikan kanako, kamong mga tinunglo, ngadto sa kalayong walay kataposan nga gitagana alang sa yawa ug sa iyang mga anghel,

Marcos 10:40

apan ang paglingkod dapit sa akong tuo o sa akong wala, dili akoa ang pagtugot, kini alang lamang kanila nga gitagan-an niini.”

1 Mga Taga-Corinto 2:9

Apan ingon sa nasulat, “Unsay wala makita sa mata, o madungog sa dalunggan, o wala mosantop sa kasingkasing sa tawo, maoy gitagana sa Dios alang kanila nga nahigugma kaniya.”

2 Mga Taga-Corinto 13:1

Kini karon ang ikatulong higayon nga ako moanha kaninyo. Ang bisan unsa nga sumbong kinahanglang paluyohan sa pamatuod sa duha o tulo ka mga saksi.

Gipadayag 9:15

Busa gibuhian ang upat ka anghel nga giandam alang sa takna, sa adlaw, sa bulan, ug sa tuig, sa pagpamatay sa ikatulo nga bahin sa mga tawo.