Genesis 41:25

Ang Biblia 2011

Unya si Jose miingon sa Paraon, “Ang damgo sa Paraon usa lamang. Ang Dios nagpadayag ngadto sa Paraon sa angay niyang buhaton.

Cross References

Genesis 40:8

Ug sila miingon kaniya, “Nagdamgo kaming duha ug walay usa nga makahubad.” Ug si Jose miingon kanila, “Dili ba iya sa Dios ang paghubad sa kahulogan? Palihog isugilon kini kanako.”

Genesis 41:16

Ug si Jose mitubag sa Paraon, “Wala kini kanako, ang Dios mao ang maghatag sa maayo nga tubag ngadto sa Paraon.”

Genesis 41:26

Ang pito ka baka nga nindot nagkahulogan ug pito ka tuig ug ang mga uhay nga nindot nagkahulogan ug pito ka tuig; ang damgo usa lamang.

Genesis 41:28

Sama sa ako nang gisulti sa Paraon, ang Dios nagpadayag sa Paraon sa angay niyang buhaton.

Genesis 41:32

Ug tungod niini ang damgo gihimo sa makaduha nganha sa Paraon tungod kay ang maong butang gitakda sa Dios ug nga ang Dios maghimo niini sa dili madugay.

Salmo 98:2

Gipadayag sa Ginoo ang iyang kadaogan; gipadayag niya ang iyang katarongan diha sa panan-aw sa kanasoran.

Exodo 9:14

Kay niining panahona ako magpadala sa tanan nakong katalagman diha sa imong kasingkasing, sa imong mga alagad ug sa imong katawhan, aron ikaw mahibalo nga walay usa nga sama kanako sa tibuok kalibotan.

Isaias 43:9

Patigoma ang tanang mga nasod, ug papundoka ang mga katawhan. Kinsa ba kanila ang makapahayag niini ug makapakita kanamo sa kanhing mga butang? Ipadala ang ilang mga saksi, aron sa pagpamatuod kanila ug papaminawon sila ug ingna, “Kini tinuod.”

Daniel 2:45

Ingon sa imong nakita nga ang bato gisapsap sa dili kamot sa tawo gikan sa usa ka bukid ug nga kini nagdugmok sa puthaw, sa bronsi, sa yutang kulonon, sa plata, ug sa bulawan. Ang gamhanan nga Dios nagpahibalo sa hari unsa ang mahitabo sa kaulahian. Ang damgo siguro gayod ug ang hubad niini dili kaduhaduhaan.”

Daniel 2:47

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Amos 3:7

Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.

Mateo 24:40

Unya adunay duha ka tawo diha sa uma, ang usa kuhaon ug ang usa mahibilin.

Marcos 13:23

Apan pagbantay kamo, gitug-anan ko na kamong daan sa tanang mga butang.

Mga Taga-Efeso 1:17

nga unta ang Dios sa atong Ginoong Jesu-Cristo, ang mahimayaong Amahan, maghatag kaninyo sa espiritu sa kaalam ug sa pagpadayag diha sa kahibalo mahitungod kaniya,

Josue 11:6

Ang Ginoo miingon kang Josue, “Ayaw kahadlok kanila kay ugma niining taknaa ihatag nako silang tanan nga patay sa atubangan sa Israel. Piangi ang ilang mga kabayo ug sunoga sa kalayo ang ilang mga karwahi.”

Gipadayag 4:1

Human niini, mitan-aw ako, ug tan-awa, diha sa langit ang usa ka pultahan nga binuksan! Ug kadtong unang tingog nga akong nadungog nga misulti kanako nga daw trumpeta miingon, “Saka ngari, ug ipakita nako kanimo ang kinahanglang mahitabo human niini.”