Genesis 41:15

Ang Biblia 2011

Ug ang Paraon miingon kang Jose, “Ako nagdamgo ug walay bisan usa nga makahubad sa kahulogan niini. Nakadungog ako ug balita mahitungod kanimo, nga kon ikaw makadungog ug mga damgo, makahimo ikaw sa paghubad sa kahulogan niini.”

Cross References

Genesis 40:8

Ug sila miingon kaniya, “Nagdamgo kaming duha ug walay usa nga makahubad.” Ug si Jose miingon kanila, “Dili ba iya sa Dios ang paghubad sa kahulogan? Palihog isugilon kini kanako.”

Genesis 41:8

Busa sa pagkabuntag nahasol ang iyang espiritu ug nagsugo siya ug gipatawag niya ang tanan nga mga tigsalamangka sa Ehipto ug ang tanan niya nga mga maalamong tawo. Ug ang Paraon misugilon kanila sa iyang mga damgo apan walay bisan kinsa nga nakahubad sa kahulogan niini ngadto sa Paraon.

2 Cronicas 26:5

Nangita siya sa Dios sa mga adlaw ni Zacarias nga nagtudlo kaniya sa pagkahadlok sa Dios. Samtang nangita siya sa Ginoo, ang Dios naghimo kaniya nga mauswagon.

Salmo 25:14

Ang pagpakighigala sa Ginoo ila niadtong may kahadlok kaniya, ug siya magpadayag kanila sa iyang kasabotan.

Daniel 2:3

Ang hari miingon kanila, “Ako adunay sa usa ka damgo ug ang akong espiritu nasamok sa tinguha sa pagkasayod sa damgo.”

Daniel 4:18

Ako si Hari Nabucodonosor, nakakita niining damgoha. Ug ikaw, O Beltesasar, ipadayag ang hubad niini, tungod kay ang tanang mga maalamong tawo dili makahimo sa pagpadayag kanako sa hubad, apan ikaw makahimo kay ang espiritu sa balaan nga mga dios anaa kanimo.”

Daniel 4:9

“O Beltesasar, pangulo sa mga tigsalamangka, tungod kay ako nasayod nga ang espiritu sa mga balaang dios anaa kanimo ug walay tinago nga lisod alang kanimo, ania ang damgo nga akong nakita; sultihi ako sa hubad niini.

Daniel 5:12

kay ang talagsaong katakos, ang kahibalo ug ang salabotan sa paghubad sa mga damgo, sa pagsaysay sa mga tigmo ug sa pagsulbad sa mga suliran nakita diha kang Daniel nga ginganlan sa hari ug Beltesasar. Karon ipatawag si Daniel ug siya magpadayag sa hubad.”

Daniel 5:14

Ako nakadungog mahitungod kanimo nga ang espiritu sa mga balaang dios anaa kanimo ug nga ang kahayag ug salabotan ug labawng kaalam nakita diha kanimo.

Daniel 5:16

Apan ako nakadungog nga ikaw makahatag ug mga hubad ug makasulbad sa mga suliran. Karon kon ikaw makabasa sa sinulat ug makapadayag kanako sa hubad niini, sul-oban ikaw ug mahalong bisti nga tapol ug makaangkon ug kuwentas nga bulawan sa imong liog ug mahimo nga ikatulong tinugyanan sa gingharian.”