Genesis 40:14

Ang Biblia 2011

Apan hinumdomi unya ako sa dihang maayo na ang imong kahimtang, ug naghangyo ako kanimo nga kaluy-an nimo ako ug isugilon nimo ako sa Paraon aron ako makuha gikan niining balaya.

Cross References

Genesis 40:13

Human sa tulo ka adlaw bayawon sa Paraon ang imong ulo ug ikaw mahiuli sa imong buluhaton ug magtunol ikaw sa Paraon sa kupa, sama sa gibuhat nimo kaniadto sa diha nga ikaw tig-andam pa sa iyang kupa.

Genesis 41:9

Unya ang pangulo sa mga tig-andam sa bino miingon sa Paraon, “Nahinumdom ako karong adlawa sa akong mga sayop.

2 Samuel 9:1

Unya si David miingon, “Aduna pa bay nahibilin sa balay ni Saul aron ako makapakita kaniya ug kaluoy tungod ug alang kang Jonathan?”

1 Mga Hari 2:7

Apan pakitai ug kaayo ang mga anak nga lalaki ni Barsilai nga Gileadhanon, ug himoa sila nga kauban niadtong magkaon diha sa imong lamisa, kay ingon sila niana ka ayo kanako sa dihang mikagiw ako gikan kang Absalom nga imong igsoon.

Lucas 23:42

Ug siya miingon, “Jesus, hinumdomi ako inig-abot nimo sa imong gingharian.”

1 Mga Taga-Corinto 7:21

Ulipon ba ikaw sa panahon sa pagtawag kanimo? Ayaw kini igsapayan. Apan kon may kahigayonan ikaw nga mahimong gawasnon, pahimusli kini.

Josue 2:12

Busa karon, panumpa kamo kanako sa ngalan sa Ginoo, ingon nga ako naghatag kaninyo ug maayong pagtagad, kamo usab kinahanglang maluoy sa panimalay sa akong amahan, ug hatagi ako ug usa ka tino nga ilhanan.

1 Samuel 25:31

ang akong agalon dili na maguol o magbasol nga ikaw nakapaagas ug dugo sa walay hinungdan, o ang akong agalon manimalos alang sa iyang kaugalingon. Ug sa diha nga ang Ginoo maghimo ug maayo sa akong agalon, hinumdomi unya ang imong sulugoon nga babaye.”